سەنات وتىرىسىندا زاڭناماعا تۇرعىن ءۇي-كوممۋنالدىق شارۋاشىلىق ماسەلەلەرى بويىنشا تۇزەتۋلەر ءبىرىنشى وقىلىمدا قارالدى. سەناتتا زاڭ جوباسىن ەلىمىزدىڭ يندۋستريا جانە ينفراقۇرىلىمدىق دامۋ ءمينيسترىنىڭ ءبىرىنشى ورىنباسارى قايىربەك وسكەنباەۆ تانىستىردى.
زاڭ جوباسىندا ء«بىر ءۇي – ءبىر م ۇلىك يەلەرىنىڭ بىرلەستىگى» قاعيداتى بويىنشا كوممەرتسيالىق ەمەس «م ۇلىك يەلەرىنىڭ بىرلەستىگى» ۇيىمىن قۇرۋ ارقىلى كوندومينيۋم نىسانىن باسقارۋدىڭ جاڭا ۇلگىسى ۇسىنىلادى.
كوندومينيۋم نىسانىنىڭ ورتاق مۇلكىن كۇردەلى جوندەۋدى قارجىلاندىرۋ تەتىگى ەنگىزىلەدى.
سونداي-اق باسقارۋ ورگاندارى قىزمەتىنىڭ اشىقتىعىن ارتتىرۋعا جانە ءۇي-جايلاردىڭ مەنشىك يەلەرىنىڭ تاراپىنان كوندومينيۋم نىسانىن باسقارۋ ورگانىنا باقىلاۋدى قامتاماسىز ەتۋگە باعىتتالعان ەرەجەر ۇسىنىلادى.
تولىق ەمەس ء(ىشىنارا) بلوكتارعا قاتىستى پايدالى قاتتى قازبالاردى بارلاۋدى ليتسەنزيالاۋ, كەڭ تارالعان پايدالى قازبالاردى بارلاۋعا نەمەسە وندىرۋگە رۇقسات بەرۋ بولىگىندەگى ەرەجەلەر رەتتەلەدى, سونداي-اق ءوندىرۋ جونىندەگى وپەراتسيالارعا ارنالعان جىل سايىنعى ەڭ تومەنگى شىعىستار مولشەرى ازايتىلادى.
سەناتورلار تۇرعىن ءۇي-كوممۋنالدىق شارۋاشىلىعى, كوندومينيۋمنىڭ ورتاق مۇلكىنە كۇردەلى جوندەۋ جۇرگىزۋدى قارجىلاندىرۋ, جەر رەسۋرستارىن ءتيىمسىز پايدالانۋ جانە تاعى باسقا سالالارداعى وزەكتى ماسەلەلەردى كوتەردى.
ەدىل مامىتبەكوۆ تۇرعىن ءۇي سالاسىنىڭ دامۋ دەڭگەيى حالىقارالىق ستاندارتتار مەن تالاپتارعا سايكەس كەلمەيتىنىن, ول حالىقتىڭ ءومىر ءسۇرۋ ساپاسىنىڭ تومەندەۋىنە اسەر ەتەتىنىن اتاپ ءوتتى.
«قازاقستان پرەزيدەنتى قاسىم-جومارت توقاەۆتىڭ ەلوردانى دامىتۋ ماسەلەلەرى جونىندەگى كەڭەستە بەرگەن تاپسىرمالارىن جۇزەگە اسىرۋ ءۇشىن ۇكىمەت تۇرعىن ءۇي-كوممۋنالدىق شارۋاشىلىق سالاسىنداعى پروبلەمالاردى كەڭىرەك قاراپ, ۋاكىلەتتى جانە جەرگىلىكتى اتقارۋشى ورگانداردىڭ قىزمەتىن ودان ءارى جەتىلدىرۋ ماسەلەلەرىن شەشۋگە نازار اۋدارۋى ءتيىس», - دەدى ە.مامىتبەكوۆ. ول تۇرعىن ءۇي جەتىسپەۋشىلىگىن ازايتۋ, ايماقتىق ەرەكشەلىكتەردى ەسكەرە وتىرىپ, وتباسىلاردىڭ دەموگرافيالىق جاعدايى مەن تۇرعىن ءۇي قورى قۇرىلىمىنىڭ سايكەسسىزدىگىن كەزەڭ-كەزەڭىمەن جويۋ جانە قازىرگى تۇرعىن ءۇي قورىنىڭ تۇرعىن ءۇيدى تۇتىنۋ ساپاسىنا قويىلاتىن تالاپتارعا سايكەسسىزدىگى ماسەلەلەرىن شەشۋ قاجەت دەپ ەسەپتەيدى.
سەناتورلار زاڭ جوباسىن ازىرلەۋشىلەرگە ايتىلعان ەسكەرتۋلەردى ەسكەرۋدى جانە ەكىنشى وقىلىمدا قاراۋ كەزىندە تۇزەتۋلەر ەنگىزۋ قاجەتتىگىن اتاپ ءوتتى.