اقتاۋدا اباي اتىنداعى مادەني-دەمالىس كەشەنىندە قازاقستان رەسپۋبليكاسىنىڭ مادەنيەت جانە قوعام قايراتكەرى, مەملەكەتتىك سىيلىقتىڭ يەگەرى, حالىق جازۋشىسى ءابىش كەكىلباي ۇلىنىڭ 80 جىلدىعىنا ارنالعان مەرەيتويلىق ءىس-شارالاردىڭ اشىلۋ سالتاناتى بولىپ ءوتتى.
سالتاناتتى شاراعا قازاقستان رەسپۋبليكاسىنىڭ پرەمەر-ءمينيسترىنىڭ ورىنباسارى بەردىبەك ساپارباەۆ, ماڭعىستاۋ وبلىسىنىڭ اكىمى سەرىكباي ترۇموۆ جانە ەلىمىزدىڭ ءار تۇپكىرىنەن كەلگەن ەل اعالارى, ءابىش اعانىڭ زامانداستارى, ۇزەڭگى-ارىپتەستەرى, قابىرعالى قالامگەرلەر مەن ونەر تارلاندارى, عالىمدار, جۇرتشىلىق وكىلدەرى قاتىستى.
مەرەكەلىك شارانىڭ باستاۋىندا ايتىسكەر اقىن مەلس قوسىمباي ءا.كەكىلباەۆقا ارنالعان «ارناۋمەن» جىر دارياسىن سەلدەتتى.
شارادا ءسوز العان پرەمەر-ءمينيستردىڭ ورىنباسارى بەردىبەك ساپارباەۆ قازاقستان رەسپۋبليكاسىنىڭ تۇڭعىش پرەزيدەنتى, ەلباسى ن.نازارباەۆتىڭ ماڭعىستاۋ جۇرتشىلىعىن اتالعان مەرەيتويمەن قۇتتىقتاۋىن جەتكىزدى.
-ەڭ باستىسى «باسىمىزعا قونعان باقىت قۇسى – تاۋەلسىزدىگىمىزدەن ايرىلىپ قالماۋىمىز كەرەك» دەپ مەنىڭ باعىتىمدى قولداپ, حالىقتى سابىرلى دا, سانالى بولۋعا شاقىرعانى بارشا قازاقستاندىقتاردىڭ ەسىندە. جوعارى كەڭەستىڭ توراعاسى, مەملەكەتتىك حاتشى سياقتى بيىك لاۋازىمدى قىزمەتتەردى اتقارعان ول وزىنە ارتىلعان زور سەنىمدى ابىرويمەن اقتاي ءبىلدى. پارلامەنت سەناتىنىڭ دەپۋتاتى بولعان تۇستا دا قوعام تىنىسىن تاپ باسىپ, تۇتاس ەلدىڭ ويىنداعى ءسوزىن سويلەدى. اسىل ازاماتتىڭ مەرەيتويىن بۇگىندە تۋعان ەلى لايىقتى اتاپ وتۋدە. الماتى قالاسىنداعى ءبىر كوشەگە ءابىش كەكىلباەۆتىڭ اتى بەرىلدى. كيەلى ماڭعىىستاۋدا ەڭسەلى ەسكەرتكىش بوي كوتەرىپ, مادەني ورتالىقتىڭ تۇساۋى كەسىلىپ وتىر. دانىشپان ابايدىڭ «سۇيەر ۇلىڭ بولسا, سەن ءسۇي, سۇيىنەرگە جارار ول» دەگەن ءسوزى بار. ەل جۇرتىنا سىڭىرگەن ەلەۋلى ەڭبەگى مەن تاريح تورىنەن ورىن العان ءابىش كەكىلباەۆتىڭ عيبراتتى عۇمىرى حالقىمىزدىڭ جادىندا ءاردايىم ساقتالادى دەپ سەنەمىن. مەرەيتوي قۇتتى بولسىن, اعايىن!» – دەلىنگەن قۇتتىقتاۋ حاتتا.
سالتاناتتى كەشتىڭ اشىلۋىندا ايماق باسشىسى تۇرىموۆ سەرىكباي وتەلگەن ۇلى مەرەكەگە وراي الىستان كەلگەن مارتەبەلى مەيماندارعا ريزاشىلىعىن بىلدىرە وتىرىپ, ابىشتەي زاڭعار جازۋشىنىڭ 80 جىلدىق مەرەيتويىن اتاپ ءوتۋدىڭ بۇكىل قازاق ەلى ءۇشىن, حالقىمىزدىڭ وتكەنى مەن بۇگىنىن سارالاپ,جارقىن كەلەشەگىنە باستايتىن ماڭىزى زور, اۋقىمدى, ىرگەلى ءىس بولىپ تابىلاتىنىنا توقتالدى. حالىق جازۋشىسىنىڭ مول ادەبي مۇراسىن ۇرپاقتان-ۇرپاققا جەتكىزىپ, حالقىمىزدىڭ رۋحاني بايلىعىن ارتتىرۋ قاجەتتىلىگىن تىلگە تيەك ەتتى.
مادەني كەشەندە ءابىش كەكىلباي ۇلىنىڭ ءومىرى مەن شىعارماشىلىعىنا ارنالعان مۇراجاي جانە كىتاپحانا, فوتو كورمەلەرى ۇيىمداستىرىلدى.
جيىندا جازۋشى تولەن ابدىك ۇلى جانە اقىن ەسەنعالي راۋشانوۆ كەش قوناقتارىنا قۇتتىقتاۋ ءسوز ارنادى.
مەرەكەلىك كەش ايگۇل ۇلكەنباەۆا, ن.ءجانتورين اتىنداعى مۋزىكالىق دراما تەاترى اكتەرلەرى, ايگۇل قوسانوۆالاردىڭ ورىنداۋىنداعى «ماڭعىستاۋ» پوەتيكالىق قويىلىمىنىڭ ساحنالانۋىمەن جالعاستى.
كەش قوناقتارىنىڭ الدىندا ن.ءجانتورين اتىنداعى مۋزىكالىق دراما تەاترى اكتەرلەرى, گۇلسينا ميرعاليەۆانىڭ تەاتر مەكتەبى, حالىقتىق ۇجىم «جورعا» بي ءانسامبلى ءا.كەكىلباي ۇلى شىعارمالارى مەن سۇحباتتارىنىڭ نەگىزىندە تەاترلاندىرىلعان «امانات ارقالاعان ابىز» اتتى پرولوگتى ساحنالادى.
سالتاناتتى جيىننىڭ سوڭى تامارا اسار, حالىقتىق ۇجىم «جورعا» بي ءانسامبلىنىڭ ورىنداۋىنداعى ء«ابىش الەمى» قويىلىمىنا ۇلاستى.