«التىن الما» شاتتىق پەن قۋانىشتىڭ بەلگىسىندەي, الماتىدا وتكەن ورتالىق ازيا قولونەر شەبەرلەرىنىڭ كورمە-جارمەڭكەسىندە ءار ۇلتتىڭ قولىنان شىققان بۇيىمدارى كەلۋشىلەردىڭ كوڭىلىنەن شىقتى.
«التىن الما» ورتالىق ازيا قولونەر شەبەرلەرىنىڭ كورمە-جارمەڭكەسىنە قىرعىزستان, وزبەكستان, تۇرىكمەنستان, رەسەي ەلدەرىنەن ءوز سالاسىنىڭ مايتالمان ماماندارى قاتىستى.
ادەتتەگىدەي ورتالىق مەملەكەتتىك مۋزەيىندە وتكەن بۇل كورمەگە اتى ايتىپ تۇرعانداي الماعا ۇقسايتىن بۇيىمدار كوپتەپ قويىلدى. الماتىداعى جايماشۋاق التىن ارايلى كۇز مەزگىلىنە ءدوپ كەلەتىن جارمەڭكەگە كەلۋشىلەر دە بەرەكە مەن بىرلىكتىڭ بەلگىسىندەي قابىلدايدى.
نارتتاي قىزىل المالار قالامىزدىڭ سيمۆولى عانا ەمەس, ول ءار وتباسىعا اماندىق پەن ساۋلىق تىلەگەن اقجولتاي نيەتتىڭ بەلگىسىندەي بولىپ كورىنەدى. وندا كيىز بەن جىبەك ماتادان توقىلعان بۇيىمدار, ءسان سالتاناتىمەن اسپەتتەلگەن ورنەكتى زاتتار, زەرگەرلىك بۇيىمدار, ساندىقشالار مەن قۇلپىرعان كىلەمدەر كوز جاۋىن الادى.
الماداي الاۋلاعان كۇزگى جارمەڭكە جان دۇنيەڭىزدى ادەمى اسەرگە بولەيدى.