جاس مۇعالىمدەرگە جاتاقحانا بەرىلدى

ءيا, «وزگەنىڭ اسىلىنان, ءوزىڭ­نىڭ  لاشىعىڭدا» ءومىر سۇرگەن الدە­قايدا جاقسى ەمەس پە؟! دەگەنمەن باس­پاناعا جەتۋ باسپالداعى دا وڭايعا سوقپاس. بىرەۋ جانىن قي­ناپ, بىرەۋ بارىن جيناپ جە­تەتىن ء«ۇي» دەگەن ءبىراۋىز ءسوزدىڭ وزىندە ءۇيىلىپ جاتقان ماسەلە كوپ. باس-باسىنا باسپانا بەرمەسە دە مەملەكەت مەيلىنشە مەيىرىم جاساپ, ءتۇرلى باعدارلامالاردى باس­تاپ جاتقانىن كوز كورۋدە. جا­قىندا نۇر-سۇلتان قالاسىندا دا وسىنداي يگى شارا بولدى. بۇل – 350 ورىندىق  «جاس ۇستاز» ور­تالىعىنىڭ اشىلۋى.

ورتالىقتا كوميسسيانىڭ شە­شى­مىمەن قالانىڭ جاس ماماندارى, وقۋ ورنىن ۇزدىك ءبىتىرىپ, جە­تىستىككە جەتكەن, قوعامدىق جۇ­مىستارعا بەلسەندى ارالاسىپ جۇرگەن جاستار ىرىكتەلىپ, تاڭ­دالىپ الىندى. جاستار مۇندا بىرلەسە وتىرىپ قالانىڭ ءبىلىم سالاسىندا ءتۇرلى ماسەلەلەردى قول­دارىنان كەلگەنشە شەشۋگە, بىرگە ساباققا دايىندالۋعا, قو­عامدىق ىستەرگە قاتىسۋعا, جاس ما­ماندار كلۋبىنىڭ ءارى قاراي جاندانۋىنا ۇلەس قوسادى. ورتالىقتا دەمالىسقا جانە ءار­تۇرلى سپورتپەن اينالىسۋعا, وزدە­رىنىڭ بىلىكتىلىكتەرىن ارتتىرۋعا تو­لىق جاعداي جاسالعان. جاس ماماندار ايىنا 15-17 مىڭ تەڭ­گە ارالىعىندا عانا تولەيدى. بۇل – نۇر-سۇلتان قالاسىنداعى العاشقى ورتالىق», دەيدى نۇر-سۇلتان قالاسى ءبىلىم بەرۋدى جاڭعىرتۋ ورتالىعىنىڭ ديرەكتورى گۇلنار قۇلمۇحامەدقىزى.

ەلوردا تورىندەگى ەلەۋلى ىسكە ەرەكشە قۋانعانداردىڭ ءبىرى جاس مامان – ەرجاس جاناتبەك ۇلى. ول بۇگىنگى تاڭدا گۋمانيتارلىق كوللەدجدە مۇعالىم بولىپ ەڭبەك ەتۋدە.

«جاقىندا «جاس ۇستاز» ور­تا­لى­عىنىڭ سالتاناتتى اشىلۋى ءوتتى. جاڭا ورتالىق – جاس مۇ­عالىمدەر ساباقتان العان اسەر­لەرىمەن بولىسەتىن, زاماناۋي يدەيالار مەن يننوۆاتسيالىق ءبىلىم بەرۋ جوبالارىن تالقى­لايتىن ديالوگ الاڭى. ەلوردالىق جاس مۇعالىمدەر كلۋبى مەن كوشباسشىلاردىڭ رەزەرۆ مەكتەبى دە وسى جەردە جۇ­مىسىن جالعاستىراتىن بولادى. بيىل جاستار جىلى اياسىندا جاستارعا قولداۋ كورسەتىپ, «جاس ۇستاز» ورتالىعىنان جاس ۇستازدارعا ارنالعان جاڭا جا­تاقحانا اشىلدى. جاتاقحانا 350 جاس مۇعالىمدى قابىلداۋعا ارنالعان. جاس ماماندارعا بۇل وتە جاقسى مۇمكىندىك. قالامىزعا قازاقستاننىڭ ءار تۇكپىرىنەن جي­­نالعان جاس مامانداردى ءبىر ورتالىققا شوعىرلاندىرۋ ار­قىلى باسپانامەن قامتاماسىز ەتۋگە بارلىق جاعداي جاسالعان. وسىن­داي شارا جاستاردىڭ ەڭبەك ەتۋىنە سەرپىن بەرەدى. ۇكىمەت تارا­پىنان جاستارعا قولداۋ كورسە­تىلىپ جاتقاندىعى ءۇشىن جاس ۇس­تاز­داردىڭ اتىنان العىس ايتامىز», دەيدى ول.

استانا قالاسى اكىمدىگىنىڭ ما­لىمەتىنشە, بۇگىنگى تاڭدا 200-دەن استام جاس ۇستاز كىلتتەرىن الىپ, جاتاقحاناعا قونىستانا باستاعان. ۇمىتكەرلەر بىرقاتار كريتەريلەر بويىنشا تاڭدالادى. ءبىرىنشى, پەداگوگيكالىق ءبىلىم (ۇزدىك ديپ­لوم العاندارعا ارتىقشىلىق بەرىلەدى), ەكىنشى, جالپى جۇمىس ءوتىلى 5 جىلعا دەيىن (نۇر-سۇلتان قالاسىنىڭ ءبىلىم ۇيىمدارىندا), ءۇشىنشى, نۇر-سۇلتان قالاسىندا ءۇيىنىڭ جوقتىعى, ۇيلەنبەگەن جانە اسىراۋىندا بالالارىنىڭ بولماۋى شارت.

 ۇمىتكەرلەردى تاڭداۋ كەزىندە پەداگوگيكالىق قىزمەتتە جەتىس­تىكتەرى بار جانە ءبىلىم ۇيىم­نىڭ قوعامدىق ومىرىنە ۇلەس قوس­قان جاس مۇعالىمدەرگە ار­تىق­شىلىق بەرىلەدى. ءبىلىم باس­قارماسىنداعى كوميسسيا وقىتۋ­شىلار بەرگەن وتىنىشتەردى قا­رايدى. كوميسسيا قۇرامىنا كا­سىپوداق, قوعامدىق ۇيىمدار, سى­بايلاس جەمقورلىققا قارسى ءىس-قيمىل اگەنتتىگى, باق, اتا-انالار قاۋىمداستىعى جانە ت.ب. كىرەدى.