اۆتوبۋستار بانك كارتالارىمەن تولەم قابىلداي باستادى

تىڭ قىزمەت «Kassa Nova بانكى» اق («ForteBank» اق ەب), استانا LRT جانە Visa قازاق­ستان جاھاندىق تولەم تەح­نولوگيالىق كومپانياسىمەن ۇشجاقتى ىنتى­ماق­­­تاستىق نەگىزىندە جۇزەگە اسىپ وتىر. بۇل مۇمكىندىكتى Visa بايلا­نىسسىز كارتا يەلەرى پايدالانا الادى. سونىمەن قوسا استانالىق جو­لاۋشىلاردان بولەك, اتالعان قىزمەت ەلىمىزدىڭ وزگە ايماق تۇر­عىندارى مەن شەتەلدىك تۋريستەرگە قولايلى بولماق. سەبەبى كولىك كارتاسىن ساتىپ الىپ, ونى تەرمينالدان تولتىرۋدىڭ ماشاقاتىنان قۇتىلادى. ەندى ەلورداعا ساياحاتتاپ كەلەتىن تۋريستەر ادەتتەگى حالىقارالىق بانك كارتالارىمەن جولاقىسىن تولەپ, قالاعان جەرلەرىنە بارۋ وڭايعا تۇسەدى دەيدى جوباعا جاۋاپتى وكىلدەر.

– سەرىكتەستەرىمىزبەن بىرلەسىپ, ءتيىمدى كولىكتىك تولەم شەشىمىن ازىرلەدىك. ۋكراينا, بەلارۋس, گرۋزيا جانە قازاقستانداعى بىر­قاتار كولىك جوبالارىنا جەتەك­شىلىك ەتىپ كەلەمىز. بۇگىندە قا­زاق­ستان يننوۆاتسيالىق تەح­نو­لو­گيالارعا اشىقتىعىن باي­قا­تىپ وتىر. Smart city تۇجى­رىمداماسى شەڭبەرىندە قالا­لاردى دامىتۋ جولىندا ناقتى قادامدار جاسالدى. ونىڭ ينتە­گرالدىق ەلەمەنتتەرىنىڭ ءبىرى وسى بايلانىسسىز تولەمدەر. نۇر-­سۇلتانداعى قوعامدىق كولىك­­تەردە تولەم كارتالارىمەن باي­­لانىسسىز تولەم جۇيەسىن ەن­گىزۋ ءۇشىن سەرىكتەستەرىمىزبەن بىر­گە جولاقىسىن تولەۋدىڭ باعدار­لا­مالىق جاساقتاماسىن دايىنداپ, قوسىمشا جاب­دىق ورناتتىق. زاما­ناۋي ينفراقۇ­رىلىمدىق شەشىم­دەر قالانىڭ ودان ءارى دامۋىنا اسەر ەتەتىنى­نە سەنىمدىمىز, – دەدى Visa كومپانيا­سىنىڭ تسيفرلى تەحنو­لوگيالار جونىندەگى تمد جانە وڭتۇستىك-شىعىس ەۋروپا ەل­دەرىن­دەگى اعا ديرەكتورى اندرەي الەيكين.

تولەمدى ىسكە اسىرۋ ادەتتەگى كو­لىك كارتاسىن قولدانۋدان ايىر­ماشى­لىعى جوق. دەمەك, ونى ۆا­ليداتورعا جاناستىرۋ ارقىلى جول ءجۇرۋ اقىسىن تولەي الاسىز. بۇل تەز ءارى ىڭعايلى. جوبا سىناق رەجىمىندە پىسىقتالىپ جات­­قاندىقتان №20 باعىتتاعى قو­عامدىق اۆتوبۋستا ەنگىزىلگەن. بانك كارتاسىمەن جولدىڭ قۇنى – 90 تەڭگە. الايدا Visa كارتا يەلەرى ءۇشىن ارنايى اكتسيا ىسكە قوسىلدى. اتاپ ايتقاندا, 8 قازاننان باستاپ, جىل سوڭىنا دەيىن ءبىر ساپاردىڭ قۇنى – 45 تەڭگە.

– جولاقى تولەمى بويىنشا جاڭا مۇمكىندىكتەردى ۇنەمى ىز­دەس­­تىرۋگە تىرىسامىز. بۇعان دەيىن SMS حابارلاما نەمەسە بىر­قاتار ءموبيلدى قوسىمشالار ارقىلى تولەم جۇيەسى ەنگىزىلگەن بو­لاتىن. بانك كارتاسىمەن تولەم جاساۋ تاعى ءبىر ىڭعايلى ءتاسىل. جولاۋشىلاردىڭ كوڭىلىنەن شى­­عادى دەپ ويلايمىن, – دەدى «استانا LRT» جشس باسقارما توراعاسىنىڭ ورىنباسارى باۋىر­جان سەيىتوۆ. 

جاڭا قىزمەت جولاۋشىلاردىڭ كوڭىلىنەن شىعىپ جاتسا, كەلەر جىلى بارلىق قالالىق اۆتوبۋستاردا بانك كارتالارىنا ارنالعان تەرمينال ورناتىلادى دەپ كوزدەلۋدە. سول سەكىلدى بۇل مۇمكىندىكتى پايدالانۋ MasterCard كارتا يەلەرىنە دە بەرىلەدى.