چەحيادا فرىدەك-ميستەك ەلدى مەكەنىندە (چەش. Frydek-Mistek, Moravskoslezsky kraj, stat Cesko) قازا تاپقان جانە قۇرمەتتى اسكەري قابىردە جەرلەنگەن قىزىل اسكەر جاۋىنگەرلەردىڭ اتتارىن جانە دەربەس دەرەكتەرىن انىقتاۋ بويىنشا جۇمىس اياقتالدى. بۇل تۋرالى ەلوردا اكىمدىگىنىڭ ءباسپاسوز قىزمەتى حابارلادى.
جاۋىنگەرلەردىڭ جەرلەنگەن جەرلەرىن ىزدەستىرۋ-زەرتتەۋ جۇمىستارىن رەسەي فەدەراتسياسى قورعانىس مينيسترلىگىنىڭ چەحيادا اسكەري-مەموريالدىق جۇمىستى ۇيىمداستىرۋ جانە جۇرگىزۋ بويىنشا وكىلى چەحياداعى قازاقستان رەسپۋبليكاسى ەلشىلىگىنىڭ جاردەم كورسەتۋىمەن جۇرگىزگىزدى. بىرلەسكەن ىزدەۋ-زەرتتەۋ جۇمىسىنىڭ ناتيجەسىندە ءتيىستى كاتالوگ انىقتالدى, ونىڭ ىشىندە 542 جاڭا ات انىقتالىپ, 895 ادامنىڭ قوسىمشا دەربەس دەرەكتەرى ناقتىلاندى.
سونداي-اق فرىدەك-ميستەك ميستەك ەلدى مەكەنىندە وسى اسكەري قابىردە قۇربان بولعان قىزىل اسكەر جاۋىنگەرلەرىنىڭ اتتارىمەن مەموريالدىق پليتا ورناتىلادى. مەموريالدىق پليتالاردىڭ سالتاناتتى اشىلۋى 2019 جىلعى قازاننىڭ اياعى-قاراشانىڭ باسىندا وتكىزىلەدى دەپ جوسپارلانعان.
وسىعان وراي, قازا تاپقان جاۋىنگەرلەردى لايىقتى تۇردە ماڭگى ەستە ساقتاۋ ماقساتىندا رەسەي فەدەراتسياسى قازا تاپقان قازاقستاندىق ساربازداردىڭ جاقىن تۋىستارىن وسى ءىس-شاراعا قاتىسۋعا شاقىرادى.