اقتاۋدا «ماڭعىستاۋ - ادالدىق الاڭى» جوباسىنىڭ اياسىندا قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ جانە وبلىس اكىمدىگىنىڭ ۇيىمداستىرۋىمەن «ادال جۇرەك» قايىرىمدىلىق مارافونى وتكىزىلدى. بۇل تۋرالى قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى ءباسپاسوز قىزمەتىنەن حابارلادى.
شاراعا وبلىس اكىمىنىڭ ورىنباسارى ق.جۇماشەۆ, بوكستان الەم چەمپيونى ب.نۇرداۋلەتوۆ, مەملەكەتتىك قىزمەتشىلەر, بۇقارالىق اقپارات قۇرالدارى وكىلدەرى, ستۋدەنت جاستار, دەپارتامەنت باسشىسىنىڭ ورىنباسارى ب. ماحمۇد جانە قىزمەتكەرلەرى قاتىستى.
شارا اياسىندا ساعات 10.00-دەن اقتاۋ قالاسىنىڭ «I love Aktau» ينستالياتسياسىنان باستاپ امفيتەاترعا دەيىن 2400 مەترگە جۇگىردى. ءاربىر قاتىسۋشى مارافوننىڭ باستالۋى الدىندا ەرىكتى تۇردە قايىرىمدىلىق شاراسىن تولەدى.
مارە سىزىعىنا ءبىرىنشى بولىپ جەتكەن جەڭىمپازدار الەم چەمپيونى بەكزاد نۇرداۋلەتوۆ قولىنان كۋبوك جانە ديپلومدارمەن ماراپاتتالدى.
شارا سوڭىندا جاڭاوزەندىك ءبۇلدىرشىن دامير ءالىمجان اناسى كومەك قولىن سوزعان بارلىق جاندارعا العىسىن ءبىلدىردى.