وبلىستىڭ بارلىق مەكتەپتەرىندە «ەكو-ساعات» كەڭ كولەمدى رەسپۋبليكالىق اكتسيا باستالدى. قازاقستان رەسپۋبليكاسى ەكولوگيا, گەولوگيا جانە تابيعي رەسۋرستار مينيسترلىگىنىڭ, قوعامدىق ماڭىزدى باستامالاردى دامىتۋ قورىنىڭ, ەكولوگيالىق ۇيىمدار قاۋىمداستىعىنىڭ بىرلەسكەن باستاماسى ەلىمىزدە قىزۋ قولداۋعا يە بولدى.
بىرىڭعاي رەسپۋبليكالىق ەكولوگيالىق ساعات اياسىندا وبلىستىڭ بارلىق وقۋ ورىندارىندا ەكولوگيا تاقىرىبىندا ساباقتار ءوتتى. وعان ۇستازدار, وقۋشىلار مەن ستۋدەنتتەر بەلسەندى اتسالىسۋدا. وقۋشىلار تابيعات تۋرالى بەينەروليكتەر كوردى. وسى شارا بارىسىندا وبلىستىڭ اۋدان-قالالارىنداعى مەكتەپتەر اينالاسىنا 25 مىڭ كوشەت ەگىلەدى.
بيىل عانا اشىلعان اۋەجاي شاعىن اۋدانىنداعى №29 ارالاس ورتا مەكتەپ ماڭىنا كوشەت وتىرعىزۋعا وبلىس اكىمى ا.مۇحامبەتوۆ تە قاتىستى.
«دانا حالقىمىز ء«بىر تال كەسسەڭ, ون تال ەك!» دەپ, قورشاعان ورتانى قورعاۋعا, تابيعاتتى ايالاۋعا ەرەكشە ءمان بەرگەن. بۇگىنگى شارا دا سول يگى ءداستۇردى جالعاستىرىپ, مەكتەپ اۋلالارىندا جاس كوشەتتەردى ەگۋگە باعىتتالىپ وتىر. بۇل بۇگىنگى ۇرپاقتىڭ عانا ەمەس, كەلەر ۇرپاقتىڭ يگىلىگى ءۇشىن جاسالىپ وتىرعان ماڭىزدى قادام دەپ بىلەمىن. اعىمداعى جىلدىڭ مامىر ايىندا قازاقستان-رەسەي جاستارىنىڭ فورۋمى قارساڭىندا قوستاناي جانە قورعان وبلىستارىنىڭ اۋماعىندا ەكى ەلدى بىرىكتىرەتىن توبىل وزەنىنىڭ بويىندا "ECO - challenge Qostanai" شاراسى ءوتتى. چەللەندجگە وبلىستىڭ 8 قالاسى مەن اۋدانىنىڭ جاستارى بەلسەندى قاتىستى. ول ەلىمىزدەگى بارلىق وزەندەر مەن كولدەردىڭ جاعالاۋلارىن تازالاۋعا باعىتتالعان "Qazaqstan sylary" جالپى قازاقستاندىق جاستار قوزعالىسىنىڭ باستاپقى الاڭىنا اينالدى» دەدى ارحيمەد بەگەجان ۇلى.
مۇنان كەيىن وبىلستىق, قالالىق اكيميات وكىلدەرى, قوعامدىق بەلسەندىلەر, ۇستازدار باستاعان توپ جاڭا مەكتەپتىڭ ماڭىنا كوشەت وتىرعىزدى.