ماڭعىستاۋ وبلىسى توتەنشە جاعدايلار دەپارتامەنتىنىڭ داعدارىس جاعدايلارىندا باسقارۋ باسقارماسىنىڭ 2019 جىلدىڭ 9 ايىنا جاساعان تالداۋى بويىنشا ماڭعىستاۋ وبلىسى ءورت ءسوندىرۋ قىزمەتىمەن تۇرعىن ۇيلەردە قاراۋسىز پاتەردە جابىق قالعان بالالاردى قۇتقارۋعا شىققان اۆاريالىق-قۇتقارۋ جۇمىستارىنا تالداۋ بويىنشا 47 شىعىس بولعان.
ناقتىراق ايتساق, اقتاۋ قالاسى بويىنشا بولىمشەلەرمەن, جاڭاوزەن قالاسى بويىنشا 10, تۇپقاراعان اۋدانى بويىنشا 2, قاراقيا اۋدانى بويىنشا 1 جانە بەينەۋ اۋدانى بويىنشا 1 شىعىس تىركەلگەن.
اتا-انالارىمەن قاراۋسىز قالعان 53 بالا ماڭعىستاۋ وبلىسى توتەنشە جاعدايلار دەپارتامەنتى قىزمەتكەرلەرى كومەگىمەن قيىن جاعدايدان قۇتقارىلدى. ولاردى جاستارى بويىنشا سارالاساق, 0 - 3 جاسقا دەيىن 29 بالا, 3- 6 جاس ارالىعىندا 10, 6 - 9 جاس ارالىعىندا 5, 9 -11 جاس ارالىعىندا 8 بالا جانە 11-13 جاس ارالىعىندا 1 بالا.
- ستاتيستيكا بويىنشا كوبىنەسە بالالاردىڭ جاراقات الۋى اتا-انالاردىڭ بالالاردى قاراۋسىز قالدىرعانىنان بولادى. اتا-انا جاۋاپكەرشىلىگى – بۇل بالا قاۋىپسىزدىگىنىڭ نەگىزى. ەگەر اتا-انالارى قاۋىپسىزدىك شارالارىن السا, بالالاردىڭ قازا بولۋ قاۋپى جانە جاراقاتتانۋىن الدىن الۋعا بولادى. سوڭعى كەزدە بالالاردىڭ قازا بولۋىنىڭ ستاتيستيكاسى قورقىتادى, ال سەبەپتەرى ودان دا بەتەر. ءار ءۇشىنشى جاعداي اتا-انالاردىڭ سالعىرتتىعىنان بولادى جانە بۇنى نازارسىز قالدىرۋعا بولمايدى, دەيدى ماڭعىستاۋ وبلىسى توتەنشە جاعدايلار دەپارتامەنتى وكىلدەرى.