پارلامەنت سەناتىنىڭ دەپۋتاتتارى ساۋلە ايتپاەۆا جانە سەرگەي پلوتنيكوۆ فرانتسيانىڭ ستراسبۋرگ قالاسىندا ءوتىپ جاتقان ەۋروپا كەڭەسى پارلامەنتتىك اسسامبلەياسىنىڭ (ەكپا) جەتپىسىنشى سەسسيا ءتورتىنشى ءبولىمىنىڭ جۇمىسىنا قاتىسۋدا.
سەناتورلار ساۋلە ايتپاەۆا مەن سەرگەي پلوتنيكوۆ ەكپا پارلامەنتتىك الاڭىندا ەۋروپا كەڭەسى پارلامەنتتىك اسسامبلەيا توراعاسىنىڭ ورىنباسارى انتونيو گۋتەررەسپەن, قازاقستانمەن پارلامەنتارالىق ارىپتەستىك ماسەلەلەرى جونىندەگى فين دەپۋتاتتارىمەن جانە يسپانيا مەن فينليانديا دەپۋتاتتار توبىمەن بىرقاتار كەزدەسۋلەر مەن كەلىسسوزدەر وتكىزدى. دەپۋتاتتار قۇقىقتىق جانە ادام قۇقىقتارى ماسەلەلەرى جونىندەگى كوميتەتتىڭ وتىرىسىنا قاتىستى.
سەسسيا اياسىندا ەۋروپاداعى ومبۋدسمەن قىزمەتتەرىندەگى قۇقىق بۇزۋشىلىقتار تۋرالى بەلگى بەرەتىن تۇلعالاردى قورعاۋدى كۇشەيتۋ, تەرروريزم قۇرباندارىن قورعاۋ مەن قولداۋ, ەۋروپا كەڭەسىنىڭ دامۋ بانكىنىڭ, مولدوۆا رەسپۋبليكاسىندا دەموكراتيالىق ينستيتۋتتاردىڭ قىزمەت ەتۋى, ەۆرەي مادەني مۇراسىن ساقتاۋ, شىعىس ەۋروپا ەلدەرىنەن ەڭبەك ميگراتسياسى ماسەلەلەرىن قاراستىرۋ جوسپارلانىپ وتىر, دەپ حابارلادى سەناتتىڭ ءباسپاسوز قىزمەتى.