قازاقستان ءوز ۇستانىمىن جاريالادى

پرەزيدەنت ق.توقاەۆ شۆەي­تساريا, بولگاريا, پولشا, گرۋ­زيا, ۋكراينا, يوردانيا ەلدەرى­نىڭ باسشىلارىمەن كەزدەسۋ با­رىسىندا ەكىجاقتى قارىم-قاتى­ناستاردىڭ بۇگىنگى جاعدايىن تالقىلاپ, ەلدەر اراسىنداعى ىنتىماقتاستىقتى كەڭەيتۋ ما­سە­لەلەرىن قاراستىردى. قازاق­ستاننىڭ ايماقتاعى جانە الەم­دەگى ساياسي, قاۋىپسىزدىك, ور­كە­نيەتتىك, ەكونوميكالىق, ەكو­­لو­گيا­لىق ماسەلەلەرگە قاتىس­تى باس­تاما كوتەرىپ, ونى شەشۋ جولىندا جۇر­­گىزىپ كەلە جاتقان تابىستى سايا­ساتى مەن باس­تامالارى الەم ەل­دەرى تا­را­پىنان وڭ باعالانىپ وتىر.

بۇۇ باس حاتشىسى انتونيۋ گۋتەرريشپەن كەزدەسۋ بارىسىندا مەملەكەت باسشىسى بۇۇ-نىڭ حالىقارالىق تۇراقتىلىق پەن قاۋىپسىزدىكتى قولداۋداعى, حا­لىقارالىق قاقتىعىستاردىڭ ال­دىن الۋ مەن رەتتەۋدەگى باس­شى­لىق ءرولىن ەرەكشە اتاپ ءوتىپ, بۇل ماسەلەدە ءبىزدىڭ ەلىمىز بارىنشا قولداۋ كورسەتەتىندىگىن جەتكىزدى.

بۇۇ باس اسسامبلەياسىنىڭ 74-ءشى سەسسياسى بارىسىندا جاساعان بايانداماسىندا مەملە­كەت باسشىسى ق.توقاەۆ الەمدەگى قاۋىپسىزدىك ماسەلەسىنە ەرەكشە كوڭىل ءبولدى جانە سوڭعى كەز­دەرى جاھاننىڭ ءتۇرلى ايماق­تارىندا ورىن الىپ, شەشىل­مەي جاتقان قاراما-قاي­شى­لىقت­ار­دى اتاپ ءوتىپ, الەمدىك دەر­جاۆال­اردىڭ اسكەري تەكەتى­رەس الدىندا تۇرعانىن ەسكەرت­تى. ەلدەر اراسىنداعى ءوزارا سەنىم­نىڭ ازايۋىنا بايلانىستى, جاھاندىق قاۋىپسىزدىك ارحيتەكتۋراسى بۇزىلىپ, قارۋ-جاراق باسەكەلەستىگى قايتا جاندانۋدا. بۇل ساۋدا سوعىسى, سانكتسيالار, كيبەرتەحنو­لوگيا­لار, كوسموس­تاعى قاراما-قاي­شى­لىقتارمەن جال­عاسىپ, داعدا­رىستى ودان ءارى كۇشەيتە تۇسۋدە. وسىن­دا­ي كۇر­دەلى جاعدايدى تۇسىنە وتى­رىپ, قازاقستان جالپىعا ور­تاق تۇراقتى دامۋدى, ەلدەر ارا­سىن­داعى تەڭ قارىم-ق­اتى­ناستى جانە بەيبىتشىلىك جو­لىن­داعى ءىس-ارەكەتتەردى قولداي­تىندىعىن جاريالادى. بۇل باعىتتا ناتيجەلى جۇمىس ىستەپ, ناقتى ءىس-قيمىلدار جۇر­گىزۋ­گە قازاق­ستاننىڭ الەۋەتى مەن تاجى­ري­بەسى جەتكىلىكتى دەپ ايتساق بولادى.

نۇرلان سەيدىن,

ساياساتتانۋشى