بۇل تۋرالى اقتاۋ قالاسىنا ءىس-ساپارعا كەلگەن ءازىربايجان رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى راشاد ماممادوۆ پەن ءازىربايجان رەسپۋبليكاسىنىڭ اقتاۋ قالاسىنداعى ەلشىسى ەلمار ماممادوۆ باستاعان دەلەگاتسيانىڭ ەسەنوۆ ۋنيۆەرسيتەتىندە بولعان كەزدەسۋىندە بەلگىلى بولدى.
Yessenov University پرورەكتورى ە.ت.نۇرماعانبەت دەلەگاتسيانى قارسى الىپ, ەكى ەل اراسىنداعى ىنتىماقتاستىقتىڭ جانە جوعارى وقۋ ورىندارى اراسىنداعى ءبىلىم جانە عىلىم سالاسى بويىنشا ىنتىماقتاستىق تۇيىندەرىن انىقتاۋ ماقساتىندا اڭگىمەلەستى.
كەلەشەكتە Yessenov University مەن ءازىربايجان ەلىنىڭ جەتەكشى جوعارى وقۋ ورىندارىمەن مادەنيەت, ءبىلىم جانە عىلىم سالاسىندا تاجىريبە الماسۋ جۇمىستارى جۇرگىزىلەتىنىنە مول سەنىم ءبىلدىردى. سونىمەن قاتار, ازىربايجاندىق ەلشىلەر ۋنيۆەرسيتەت ستۋدەنتتەرىنە زاماناۋي حالىقارالىق قاتىناستار جايلى ءدارىس وقىدى.
كەزدەسۋ سوڭىندا قازاقستان رەسپۋبليكاسىنداعى توتەنشە جانە وكىلەتتى ەلشىسى راشاد ماممادوۆ ۋنيۆەرسيتەت پرورەكتورىنا قازاق تىلىندە جازىلعان گەيدار اليەۆتىڭ 95 جىلدىعىنا ارنالعان «ەلىنە جول اشقان» كىتابىن سىيلادى.
ماڭعىستاۋ وبلىسى