نۇر-سۇلتان قالاسىندا «Kazakhstan Energy Week 2019» اپتالىعى اياسىندا «مۇناي بولاشاعى: اقيقات جانە بولجام» ينتەراكتيۆتى پىكىرسايىس ءوتتى. بۇل تۋرالى «قازمۇنايگاز» كومپانياسىنىڭ جۇرتشىلىقپەن بايلانىس دەپارتامەنتى حابارلادى.
مۇناي-گاز سالاسىنىڭ وزەكتى ماسەلەلەرىن تالقىلاۋعا ەنەرگەتيكا ءمينيسترى قانات بوزىمباەۆ, وپەك باس حاتشىسى مۇحاممەد باركيندو, «قازمۇنايگاز» ۇك اق باسقارما توراعاسى اليك ايدارباەۆ, «ەكسونموبيل اپستريم ويل ەند گاز» اعا ۆيتسە-پرەزيدەنتى توم شۋسلەر, «ەني سپا» باس ديرەكتورى الەسساندرو پۋليتي جانە باسقا دا الەمدىك ساراپشىلار مەن مۇناي-گاز كومپانيالارىنىڭ وكىلدەرى قاتىستى.
پىكىر الماسۋ بارىسىندا دۇنيەجۇزى بويىنشا مۇنايدى شامادان تىس پايدالانۋ, الداعى ۋاقىتتاعى مۇناي سۇرانىسى مەن ۇسىنىس گەوگرافياسىنىڭ وزگەرۋى, جاڭا ەنەرگەتيكالىق احۋال جانە ونىڭ ەلىمىزدەگى وتىن-ەنەرگەتيكالىق كەشەنىنە ىقپالى, مۇناي باعاسى جانە وزگە دە ماسەلەلەر جان-جاقتى تالقىلاندى.
- بۇگىنگى شارادا «قازمۇنايگاز» كومپانياسى ءۇشىن وزەكتى سۇراقتار مەن تۇيىتكىلدى ماسەلەلەر كوتەرىلدى. ونىڭ ىشىندە مۇناي باعاسى, الەمدىك ەنەرگەتيكا نارىقتارىنداعى تۇراقسىزدىق. جالپى, قازىرگى كەزدەگى 60-70 دوللار شاماسىنداعى مۇناي باعاسى «قازمۇنايگاز» ءۇشىن قولايلى بولىپ تابىلاتىنىن اتاپ وتكىم كەلەدى, - دەدى ا.ايدارباەۆ.
ماڭعىستاۋ وبلىسى