ەۋرازيا ەلدەرى پارلامەنتتەرى سپيكەرلەرى كەڭەسىنىڭ قورىتىندىسى بويىنشا كوممەنتاري

كەڭەستىڭ كۇن ءتارتىبى اسا ماڭىزدى ءارى مازمۇندى بولدى.

ەركىن, مۇددەلى جانە ءتيىمدى كوپتاراپتى ۇنقاتىسۋ ورىستەدى.

وندا, ارينە پارلامەنتتىڭ ءاربىر باسشىسى ءوز پىكىرىندە ەلىنىڭ ۇلتتىق مۇددەلەرىن نە­گىز­گە الدى. دەگەنمەن فورۋم­نىڭ رۋحى مەن احۋالى ءبىزدى ناتي­جەلى ۇنقاتىسۋ نيەتىنە جەتكى­زىپ, ءبىزدى بولمەي, بىرىكتى­رەتىن تاقىرىپتى تابۋعا, ءوزا­را تۇسىنىستىك نۇكتەلەرىن ىزدەس­تىرۋگە تىرىستى.

رەسەي, وڭتۇستىك كورەيا, تۇر­كيا, ەندى قازاقستان ەۋرو­پا مەن ازيا ەلدەرى ىنتىماق­تاس­تى­عىنىڭ ماڭىزدى ماسەلەلەرىن تالقىلاۋ ءۇشىن ءتيىمدى الاڭعا اينالدى.

سامميت بارلىق ارىپ­تەس­تەرگە بىركەلكى جانە بەيرەسمي سەنىمدى قارىم-قاتىناس جا­ساۋعا مۇمكىندىك بەردى. بۇل جەردە ەۋرازيا جۇرەگىندەگى سايا­سي الاڭداعى كەزدەسۋلەردە دوس­تىق رۋحى قانات جايىپ, شى­نايىلىق پەن قۋانىش ورنادى.

وسى كۇندەرى مەن جيىرمادان استام ەكىجاقتى كەزدەسۋلەر وتكىزدىم. وتكەن كەزدەسۋلەر وتە ماڭىزدى – ولار پارلامەنتتەر باسشىلارى اراسىنداعى سەنىمدى قاتىناستاردى دامىتادى. ويتكەنى تەڭ قۇقىقتى ۇنقاتىسۋلاردا ادامداردى تولعاندىراتىن ماسەلەلەردى شەشۋگە باعىتتالعان جاڭا يدەيالار مەن بىرلەسكەن جوبالار تۋادى.

وسىنىڭ ءبارى ەۋرازيا ەل­دەرى اراسىنداعى سەنىم مەن ءوزا­را تۇسىنىستىكتىڭ نىعايۋىنا, بەي­بىت­شىلىك پەن ءوزارا ءتيىمدى ىن­تى­ماقتاستىقتىڭ مۇددەلەرىنە جۇمىس ىستەيدى.

مەنىڭ ويىمشا, 25 جىل بۇرىن ءبىزدىڭ ەلىمىزدىڭ تۇڭعىش پرەزيدەنتى نۇرسۇلتان نازار­باەۆ ايتقان يدەيالار قازىرگى كەزدە ءالى دە ماڭىزدى ءارى دامىپ كەلەدى, كوپ جاعدايدا ەۋرازيا كەڭىستىگىندەگى ينتەگراتسيالىق ۇدەرىستەردى ايقىندادى جانە قۇرلىقتىڭ قازىرگى زامانعى قالىپتاسقان گەوساياسي كەلبە­تى مەن ينتەگراتسيالىق ەكونومي­كالىق باستامالارعا سەرپىن بەردى. ول تۋرالى كوپشىلىك مە­نىمەن كەلىسەدى دەپ ويلايمىن.

ەۋرازيالىق يدەيا, نازار­باەۆ­تىڭ ەۋرازيالىق يدەولوگياسى ەۋروپا مەن ازيا ەلدەرى ساياساتكەرلەرىنىڭ كوپتەگەن بۋى­نىن ءححى عاسىرداعى جاڭا ساپاداعى ينتەگراتسياعا شاقى­رىپ وتىر.

ۇلكەن ەۋرازيانىڭ كەيىنگى ونجىلدىقتاعى سيپاتى قالاي بولاتىنى ءبىزدىڭ كوز الدىمىزدا تۇر.مەن بۇل يدەياعا نىق سەنە­مىن.

ول وپتيميزمگە تولى وڭ يدەيا. ول بارلىق سالالار­دا ەرەكشە سەنىم مەن ىنتىماق­تاس­تىق كەڭىستىگىن قالىپتاستى­رادى, ەۋرازيا كەڭىستىگىندەگى بەيبىتشىلىككە جانە ونىڭ حا­لىقتارىنىڭ وركەندەۋىنە ىقپال ەتەتىن بولادى.

ءبىزدىڭ قۇرلىقتىڭ بارلىق سانالى تۇرعىندارىنىڭ ارمانى دا وسى دەپ بىلەمىن.

ۇلكەن ەۋرازيا يدەياسى ءومىردىڭ ءوزى سياقتى ماڭگىلىك جانە تابيعي بولىپ وتىر.

يدەيا شىندىققا اينالۋى ءۇشىن اۋقىمدى ءارى تىنىمسىز جۇمىس قاجەت. وتكەن فورۋم بۇل مۇمكىن ەكەنىن كورسەتتى, ياعني سولاي بولادى.

داريعا نازارباەۆا,قازاقستان رەسپۋبليكاسى پارلامەنتى سەناتىنىڭ توراعاسى