شىمكەنتتە اپتا سايىن تۇركىستان وبلىسىنىڭ اۋىل شارۋاشىلىعى ونىمدەرىنىڭ جارمەڭكەسى وتۋدە. بۇل ەكونوميكالىق, مادەني جانە تۇرمىستىق جاعىنان ءۇشىنشى مەگاپوليس پەن وبلىستىڭ بايلانىسىن ودان ءارى نىعايتا ءتۇستى. اگلومەراتسيالىق قارىم-قاتىناستىڭ العاشقى باستاماسى رەتىندە تۇركىستان وبلىسىنا قاراستى اۋدان-اۋىلداردىڭ اۋىل شارۋاشىلىعى تاۋار وندىرۋشىلەرىنىڭ جارمەڭكەسى شىمكەنتتە اشىلدى.
ءار اپتانىڭ دەمالىس كۇندەرى ءوز ءونىمىن دەلدالسىز ساۋدالاعان تۇرعىندار ءبىر قۋانسا, ارزان باعادا تاۋار الۋشىلاردىڭ دا كوڭىلى ءبىر كوتەرىلىپ قالدى.
جۋىردا شىمكەنتتە اۋدان-قالالاردىڭ اۋىل شارۋاشىلىعى تاۋار وندىرۋشىلەرىن قولداۋ ماقساتىندا العاش رەت تۇلكىباس اۋدانىنىڭ اۋىل شارۋاشىلىعى جانە قولونەر شەبەرلەرىنىڭ جارمەڭكەسى وتكىزىلدى. اتالعان جارمەڭكەدە تاۋار وندىرۋشىلەر جالپى قۇنى 3,5 ملن تەڭگەنى قۇرايتىن 13,7 توننا اۋىل شارۋاشىلىعى ونىمدەرىن ۇسىندى. قاجىمۇقان اتىنداعى ورتالىق ستاديوندا وتكەن جارمەڭكەنى قالا اكىمى ەرلان ايتاحانوۆ ارالاپ, يگىلىكتى باستاماعا ساتتىلىك تىلەدى.
ء«بىز تۇركىستان وبلىسىمەن بىرلەسە وتىرىپ, اۋىل شارۋاشىلىعى ونىمدەرىنىڭ جارمەڭكەسىن ۇيىمداستىرۋدى قولعا الدىق. بۇگىن باستاما رەتىندە تۇلكىباس اۋدانىنان كەلگەن ونىمدەردى قالا تۇرعىندارى مەن قوناقتارىنا بازار نارقىنان 10-15 پايىزعا تومەن باعادا ۇسىنىپ وتىر. سىرتتان الدىرعانشا وبلىستاعى شارۋالارعا قولداۋ كورسەتىپ, ءوزىمىزدىڭ تازا ونىمدەردى پايدالانعانىمىز دۇرىس. تۇلكىباس اۋدانىنىڭ الماسى ەرەكشە ۇنايدى», دەدى شاھار باسشىسى.
قازىرگى تاڭدا ەكى ءوڭىردىڭ بىرلەسكەن اۋىل شارۋاشىلىق ونىمدەرى جارمەڭكەسىنىڭ جالعاسى رەتىندە تولەبي مەن وتىرار اۋداندارىندا تاۋار وندىرۋشىلەرىنىڭ بىرلەسكەن اۋىل شارۋاشىلىعى ونىمدەرىنىڭ جارمەڭكەسى ءوتتى.
ساۋدا الاڭىنا 60-تان استام اۋىل شارۋاشىلىعى تاۋار وندىرۋشىلەرى قاتىسىپ, جالپى قۇنى 113 ملن تەڭگەنى قۇرايتىن 78 توننا اۋىل شارۋاشىلىعى ونىمدەرى قالا تۇرعىندارىنا ۇسىنىلدى. اتالعان جارمەڭكەدە اۋىل شارۋاشىلىعى ونىمدەرى نارىقتاعى باعادان 15-20 پايىزعا دەيىن ارزان ساۋدالاندى.
جارمەڭكەگە ارنايى كەلگەن قالا اكىمى ەرلان ايتاحانوۆ ازىق-ت ۇلىك باعاسىنىڭ نەگىزسىز وسۋىنە جول بەرىلمەي, مۇنداي جارمەڭكەلەردىڭ ءجيى ءارى ۇزدىكسىز ۇيىمداس- تىرىلاتىنىنا سەندىردى. سونداي-اق قالا باسشىسى بىرلەسىپ جاسالعان شارا ءۇشىن تۇركىستان وبلىسىنىڭ اكىمى ومىرزاق شوكەەۆكە ءوز العىسىن جەتكىزدى.
تۇركىستان وبلىسىنىڭ ەكى اۋدانى شىمكەنتتىكتەرگە ەت, ءسۇت ونىمدەرىمەن قاتار, كارتوپ, كوكونىس, جەمىس-جيدەك پەن قاۋىن-قاربىز, بولگار بۇرىشى, قىزاناق, قيار مەن جەمىس شىرىنىن جانە قولونەر بۇيىمدارىن ۇسىندى.
سونىمەن قاتار جارمەڭكەگە كەلگەن شاھار تۇرعىندارى مەن قوناقتارى شىمكەنت قالاسىنىڭ مادەنيەت باسقارماسى جانە تولەبي مەن وتىرار اكىمدىكتەرىمەن بىرلەسە ۇيىمداستىرعان كونتسەرتتىك باعدارلاماسىن ءماز-مەيرام بولىپ تاماشالادى.
اتالعان جارمەڭكەنى ۇيىمداستىرۋدىڭ نەگىزگى ماقساتى – حالىقتى ءتيىمدى باعاداعى قولجەتىمدى ازىق-ت ۇلىكپەن قامتاماسىز ەتۋ بولىپ تابىلادى. ال اۋىل شارۋاشىلىعى تاۋار وندىرۋشىلەرى تىكەلەي وزدەرى ونىمدەرىن وتكىزەدى.
شىمكەنت