«ورتالىق – 2019» ستراتەگيالىق كوماندالىق-شتابتىق وقۋ-جاتتىعۋدىڭ بەلسەندى فازاسى باستالدى. وقۋ-جاتتىعۋعا قازاقستان, قىتاي, قىرعىزستان, پاكىستان, رەسەي, تاجىكستان, وزبەكستان, ءۇندىستان ەلدەرىنىڭ اسكەري قىزمەتشىلەرى, 20 مىڭ بىرلىكتەن استام اسكەري تەحنيكا مەن قارۋ-جاراق, 600 شاماسىندا ۇشقىشسىز ۇشۋ اپپاراتى تارتىلعان, دەپ حابارلادى قورعانىس مينيسترلىگىنىڭ ءباسپاسوز قىزمەتى.
وقۋ-جاتتىعۋ بروندى ترانسپورتەرلەر, جاياۋ اسكەر جاۋىنگەرلىك ماشينالارى, تانكىلەر, جويعىشتار, اسكەري-كولىك ۇشاقتارى, جاۋىنگەرلىك تىكۇشاقتار, تاكتيكالىق زىمىران كەشەندەرى جانە ارتيللەريالىق قارۋ-جاراقتار قولدانىلدى. سونىمەن قاتار اسكەري تۇرلەر, ارنايى اسكەرلەردىڭ, ماتەريالدى-تەحنيكالىق جانە مەديتسينالىق قامتاماسىز ەتۋ بولىمشەلەرى تارتىلدى. وقۋ-جاتتىعۋ بارىسىندا زاماناۋي اسكەري قاقتىعىستارداعى تاجىريبەنى ەسكەرە وتىرىپ, ۇرىستى باستاۋدىڭ جاڭا تۇرلەرى مەن تاسىلدەرى قولدانىلدى.
بەلسەندى فازانىڭ شارىقتاۋ شەگى بولىمشەلەر نەگىزگى وقۋ-جاۋىنگەرلىك تاپسىرمالاردى ورىنداعان كەزدە جۇزەگە استى. حالىقارالىق فورماتتا اسكەري كونتينگەنتتەر بىرنەشە تاكتيكالىق ەپيزودتاردى ورىندادى. ولار: بارلاۋ-وق اتۋ جانە بارلاۋ-سوققى بەرۋ ارەكەتتەرى; باستىرمالى وق اتۋمەن زاقىمداۋدى جۇرگىزۋ; شابۋىلعا كوشكەندە باسىپ الىنعان شەپتى ۇستاپ تۇرۋ; تاكتيكالىق جانە جەدەل دەسانتتاردى ءتۇسىرۋ.
بولىمشەلەر زاڭسىز اسكەري قۇرىلىمدارعا شابۋىلداۋ بويىنشا بىرلەسكەن ءىس-قيمىلداردى پىسىقتادى. اسكەرلەردىڭ تاجىريبەلىك ارەكەتتەرىن رەسەي جانە قىرعىزستان پرەزيدەنتتەرى, سونداي-اق قازاقستان, قىتاي, قىرعىزستان, رەسەي, تاجىكستان جانە وزبەكستان ەلدەرىنىڭ قورعانىس ۆەدومستۆو باسشىلارى باقىلادى. حالىقارالىق وقۋ-جاتتىعۋدىڭ ناتيجەسى بويىنشا ەرەكشەلەنگەن اسكەري قىزمەتشىلەردى مەدالدارمەن ماراپاتتادى.