قر تۇڭعىش پرەزيدەنتى نۇرسۇلتان نازارباەۆ قحر بۇكىلقىتايلىق حالىق وكىلدەرى جينالىسى تۇراقتى كوميتەتىنىڭ توراعاسى لي چجانشۋمەن كەزدەستى دەپ حابارلايدى ەلباسىنىڭ رەسمي سايتى.
كەزدەسۋ بارىسىندا نۇرسۇلتان نازارباەۆ قازاقستان مەن قىتاي حالىق رەسپۋبليكاسى اراسىنداعى قاتىناستاردىڭ ەرەكشە دوستىق سيپاتىن اتاپ ءوتتى.
– تاۋەلسىزدىك جىلدارىندا ءبىز قىتاي حالىق رەسپۋبليكاسىمەن ەڭ جاقىن دوستىق قاتىناستار ورناتتىق. ءبىزدىڭ قاتىناستارىمىز باسقا ەلدەر ءۇشىن تاتۋ كورشىلىكتىڭ ۇلگىسى بولىپ تابىلادى. توراعا سي تسزينپينمەن ەرەكشە قارىم-قاتىناستامىن جانە مەن ونى وتە جوعارى باعالايمىن, - دەدى ەلباسى.