بۇل تۋرالى elbasy.kz حابارلادى.
كەزدەسۋ بارىسىندا نۇرسۇلتان نازارباەۆقا قازاقستان حالقى اسسامبلەياسىنىڭ قازىرگى قىزمەتى مەن جۇمىس جوسپارلارى جايلى اقپارات بەرىلدى.
ەلباسى قازاقستان حالقى اسسامبلەياسىنىڭ بارلىق مۇشەلەرىنە مەملەكەتتىڭ قالىپتاسۋى مەن دامۋىنا قوسقان ۇلەسى ءۇشىن العىس ايتتى.
– قازاقستان – پوليەتنيكالىق مەملەكەت. بۇل تاريحي قالىپتاسقان دۇنيە. تاۋەلسىزدىك العاننان بەرى ءبىزدىڭ كوپۇلتتى حالقىمىز بەيبىتشىلىك پەن ءوزارا تۇسىنىستىكتە ءومىر ءسۇرىپ, مەملەكەتىمىزدىڭ وركەندەۋىنە بەلسەندى اتسالىسىپ جاتىر. قازاقستان حالقى اسسامبلەياسى ەلىمىزدىڭ بارلىق ەتنوستارىن بىرىكتىرەدى. مەن اسسامبلەياعا جانە بۇكىل قازاقستان حالقىنا وسى جىلدار ىشىندە ساياساتىمدى قولداعانى جانە ءبىزدىڭ ەلىمىزدى نىعايتقانى ءۇشىن وتە ريزامىن, – دەدى نۇرسۇلتان نازارباەۆ.
سونىمەن قاتار, قازاقستاننىڭ تۇڭعىش پرەزيدەنتى وڭىرلەردە قحا جۇمىسىنىڭ تيىمدىلىگىن ارتتىرۋدىڭ ماڭىزدىلىعىن اتاپ ءوتتى.
– مەن قازاقستان حالقى اسسامبلەياسىنىڭ توراعاسى رەتىندە جۇمىسقا بەلسەندى قاتىسۋعا, بارلىق ىستەردە اسسامبلەيانى قولداۋعا جانە ونىڭ جۇمىسىن جەرگىلىكتى جەرلەردە كۇشەيتۋگە نيەتتىمىن. قازاقستان حالقى اسسامبلەياسىنا قوعام ومىرىنە بەلسەندى تۇردە ارالاسۋدى ءارى قاراي جالعاستىرۋ ماڭىزدى, – دەدى ەلباسى.
ءوز كەزەگىندە ج.تۇيمەباەۆ ەلدەگى ۇلتارالىق كەلىسىمدى نىعايتۋ بويىنشا ءىس-شارالاردىڭ ورىندالۋ بارىسى جانە قازاقستان حالقى اسسامبلەياسىنىڭ گۋمانيتارلىق اكتسياسى اياسىندا قابىلدانعان شارالار جونىندە باياندادى.
سونداي-اق, ەلباسىنا 2020 جىلى قازاقستان حالقى اسسامبلەياسىنىڭ 25 جىلدىعىنا دايىندىق بارىسى تۋرالى مالىمەت ۇسىنىلدى.
كەزدەسۋ سوڭىندا قازاقستان حالقى اسسامبلەياسىنىڭ توراعاسى بىرقاتار ناقتى تاپسىرما بەردى.