پاراسات پەن تاجىريبە ەل سەنىمىن نىعايتادى

مەملەكەت باسشىسى ءۇش ايدىڭ ىشىندە 5 زاڭعا قول قويدى, سونداي-اق ساياسي, الەۋمەتتىك-ەكونوميكالىق جانە مادەني سالالارعا قاتىستى 40 وكىم مەن 95 جارلىق شىعاردى. بۇدان باسقا, پرەزيدەنت ورتالىق مەملەكەتتىك ورگاندار, جەرگىلىكتى اتقارۋشى ورگاندار, بيزنەس قۇرى­لىم­دار باسشىلارىمەن, ازامات­تىق سەكتور وكىلدەرىمەن جانە قوعامنىڭ باسقا دا توپتارىمەن 140-تان استام ىسكەرلىك كەزدەسۋ مەن كەڭەس وتكىزدى.

مەملەكەت باسشىسى قىزمە­تى­نىڭ كەيبىر اسپەكتىلەرىنە توق­تا­لار بولساق, ساياسي سالادا ۇلت­تىق قوعامدىق سەنىم كەڭەسىن قا­لىپ­تاس­تى­رۋ ارقىلى ازاماتتىق سەكتوردى بيلىكپەن سىندارلى سۇحبات جاساۋعا, سىبايلاس جەمقورلىققا قارسى كۇرەسكە نەعۇرلىم ناتيجەلى نازار اۋدارۋعا مۇمكىندىك بەردى. سونداي-اق ق.توقاەۆ «حالىق ۇنى­­نە قۇلاق اساتىن مەملەكەت» تۇ­جى­رىمداماسى اياسىندا بيلىك­تە­گىلەردى حالىقپەن بايلانىس ورناتۋ بويىنشا جۇيەلى جۇمىس جۇر­گى­زۋگە شاقىردى. قازىرگى ۋاقىتتا قازاقستان ازاماتتارى ۆيرتۋالدى قا­بىلداۋ بولمەسى ارقىلى پرەزي­دەنت­كە تىكەلەي جۇگىنە الادى.

تاعى ءبىر توقتالا كەتەر جايت, پرە­زي­دەنتتىڭ وسى جىلدىڭ 2 قىر­كۇ­ي­ەگىندە جاريا­لاعان جولداۋى قا­زاقستانداعى الەۋ­مەتتىك-سايا­سي جانە ەكونوميكالىق رە­فور­­ما­لاردىڭ ناقتى باعىتتارىن ايقىن­داۋ­­عا مۇمكىندىك بەردى.

ال پرەزيدەنت تاپسىرماسىنا سايكەس قولعا الىنعان ماسەلەلەر جونىندە ءسوز قوزعار بولساق, ءبىرىنشى كەزەكتە پارتيالىق قۇرىلىس ءۇر­دى­سىن جالعاستىرۋ – ەلدەگى كوپ پار­تيا­لىقتى, ساياسي باسەكەلەستىكتى جانە پىكىر ءپليۋراليزمىن دامىتۋ ءىسى ويعا ورالادى. بۇل ۇزاق مەرزىمدى پەرس­پەكتيۆادا ساياسي جۇيەنىڭ تۇ­راق­­تىلىعىن قامتاماسىز ەتۋگە مۇم­كىندىك بەرەدى. سونداي-اق ميتين­گى­لەر تۋرالى زاڭنامانى جە­تىلدىرۋ, ازا­ماتتاردىڭ ەركىن تۇردە ءوز ويىن اشىق ءبىلدىرۋ ءۇشىن ارنايى ورىندار ءبولۋ باستاماسى دا ماڭىزدى.

الەۋمەتتىك سالاداعى وزەكتى ما­­سە­­لەلەردى شەشۋدىڭ دە بىرقاتار جول­­­دارى نازارعا الىندى. ناق­تى­لاي ايتقاندا, حالىقتىڭ از قامتا­ماسىز ەتىلگەن توپتارىنا قارىز جۇك­تەمەسىنىڭ تومەندەۋى – بۇل 500 مىڭ ازا­مات­تىڭ ارقايسىسىنىڭ 300 مىڭ تەڭگە سوماسى كولەمىندەگى نەسيە بەرە­شەگىن وتەۋ.

ازاماتتاردىڭ ەرىكتى قىزمەتكە قاتى­سۋ­ىن كەڭەيتۋ ماقساتىندا كەلەسى جىل «ەرىك­تىلەر جىلى» بولىپ جاريالاندى. بۇل ازاماتتىق قوعامدى نىعايتۋ جۇمىسىنىڭ ماڭىزدى بولىگى.

سونىمەن قاتار كەلەسى 4 جىل ىشىندە مۇعالىمدەر جالاقىسىن 2 ەسەگە, 2020 جىلدان باستاپ «ديپ­لوم­مەن – اۋىلعا!» باعدار­لا­ما­سىن قارجىلاندىرۋدى 20 ملرد تەڭگەگە دەيىن ارتتىرۋ, الداعى 3 جىل ىشىندە ەرەكشە قاجەتتىلىكتەرى بار ادامدار ءۇشىن تەڭ مۇمكىندىكتەر جاساۋعا 58 ملرد تەڭگە ءبولۋ كوزدە­لۋ­دە.

ەكونوميكا سالاسىنا قاتىستى دا جاڭا مىندەتتەر بەلگىلەندى. بيز­نەس ءۇشىن قولايلى جاعداي جاساۋ ماقسا­تىندا مەملەكەت 2023 جىلعا دەيىن جۇمىس بەرۋشىلەر تاراپىنان قوسىم­شا 5% مولشەرىندە مىندەتتى زەينەتاقى اۋدارىمدارىن كەيىنگە قالدىردى. سونداي-اق كەلەسى 3 جىلدا شاعىن بيزنەس سۋبەكتىلەرىن تەكسەرۋگە سالىقتىق جەڭىلدىكتەر مەن موراتوري ەنگى­زىل­ۋدە.

پرەزيدەنتتىڭ ۇكىمەتكە بەرگەن مىنا تومەندەگى تاپسىرمالا­رىن دا اتاپ ءوتۋىمىز كەرەك. ولار: 2025 جىلعا قاراي ءىجو-ءنىڭ جىل سايىنعى ءوسىمىن 5%-عا جانە ودان جو­عارى ءوسۋىن قامتاماسىز ەتۋ, مەم­لە­كەتتىك حولدينگتەر مەن ۇلتتىق كوم­پا­نيالاردىڭ تيىمدىلىگىنە تالداۋ جۇرگىزۋ.

پرەزيدەنتتىڭ جاستاردى قول­داۋ با­عى­تىن­داعى باستامالارى دا ەلى­مىز ءۇشىن وتە ماڭىزدى. بۇل وراي­دا پرەزيدەنتتىك جاستار كادر رەزەرۆىن قالىپتاستىرۋ ءىسىن ايتۋعا بولادى. بۇل دارىندى جاستارعا ارنالعان الەۋمەتتىك ليفت تەتىگىن قالىپتاستىرۋعا مۇمكىندىك بەرەدى (تالاپتار: 5 جىل جۇمىس ءوتىلى, جاسى 35 جاسقا دەيىن).

نۇر-سۇلتان, الماتى جانە شىمكەنت قالالارىندا جۇمىس ىستەيتىن جاستارعا (29 جاسقا دەيىن) تۇرعىن ءۇي بەرۋدىڭ بەكىتىلگەن ەرەجە­لەرىنە سايكەس تاۋەلسىزدىك كۇنى­نە وراي 3000-نان استام پاتەر (نۇر-سۇلتان قالاسىندا 1050 پاتەر, الماتى قالاسىندا 1050 پاتەر, شىم­كەنت قالاسىندا 904 پاتەر) بەرۋ جوسپارلانۋدا. بولجامدى جالداۋ قۇنى ايىنا 10-12 مىڭ تەڭگەنى قۇرايدى, تۇرعىن ءۇي الاڭى 40 شار­شى مەترگە دەيىن.

ق.توقاەۆ حالىقپەن كەرى بايلانىس ورناتۋ ءۇشىن الەۋمەتتىك جەلى­لەردى بەلسەندى پايدالانىپ كەلەدى. تۆيتتەردەگى ءوزىنىڭ جەكە پاراق­شاسىندا مەملەكەت باس­شى­­سى حالىقتى ەلدەگى نەگىزگى وقيعالار تۋرالى جەدەل حابار­دار ەتەدى, سونداي-اق ءوزىنىڭ قارا­ما­عىنداعىلارعا تاپسىرمالار بەرەدى. پرەزيدەنتتىك 100 كۇن ىشىندە ق.توقاەۆ تۆيتتەر الاڭىن­دا 400-دەن استام تۆيت جاريالادى. سونىمەن قاتار مەملەكەت باسشىسىنىڭ ينستاگرامىنىڭ دا جۇرتشىلىق اراسىندا تانى­مال­دى­لىعى ارتىپ كەلەدى. وسى پلاتفورما ارقىلى ق.توقاەۆ حالىقپەن جۇمىس كۇنىندەگى فوتوسۋرەتتەرمەن بولىسەدى. پرەزيدەنتتىك كەزەڭدە بارلىعى 16 پوست جاريالادى.

جالپى, ق.توقاەۆتىڭ پرەزي­دەنت­تىك قىزمەتىن باعالاۋ ونىڭ باسقا­رۋ ستيلىندەگى كەلەسى ترەند­تەر­دى انىق­تاۋ­عا مۇمكىندىك بەرەدى:

بىرىنشىدەن ق.توقاەۆ شۇعىل جاعداي­لار­دا شەشىم شىعارا الاتىن جانە وزىق, ءتيىمدى داعدارىس مەنەدجەرى. ماسەلەن, پرەزيدەنت ارىس قالاسىندا ورىن العان كەلەڭ­سىز­دىك كەزىندە وقيعا ورنىنان تابىلدى جانە توتەنشە جاعداي ساتىندە ۆەدومستۆولارعا ءتيىستى تاپسىرمالار بەردى.

پرەزيدەنتتىڭ باستامالارى مەن تاپسىرمالارى ونىڭ مەملەكەتتىك سايا­ساتتا وڭ وزگەرىستەرگە دايىن ەكەن­­دىگىن كورسەتەدى. ق.توقاەۆ باي تاجىري­ب­ە مەن عىلىمي-انا­لي­تي­كا­لىق بەكگراۋ­ندتىڭ «سيمبيوزىمەن» سي­پا­ت­­­تالادى. بۇل قاسيەتتەر ءوز كەزە­­­گىن­دە حا­لىقتىڭ مەملەكەت باسشىسىنا دە­گەن سەنىمىن نىعايتادى.

مەملەكەت باسشىسى اشىق جانە قول­جەتىمدى كوشباسشى سانالادى. پرەزيدەنت قوعامدىق پىكىرگە قۇلاق اساتىن جانە حالىقتىڭ ءتۇر­­لى جىكتەرىنىڭ سۇرا­نىستارىنا جا­ۋاپ بەرەتىن, ءوز مىسالىمەن جۇ­مىس­تا اشىقتىقتى, سونداي-اق حا­لىقپەن تىكەلەي بايلانىسقا شى­عۋ­عا دايىندىعىن كورسەتە وتىرىپ, ءوزىنىڭ سەرىكتەستەرى مەن باعى­نىش­تى­لا­رى­نان وسىنى تالاپ ەتەدى.

الەۋمەتتىك جەلىلەر ارقىلى ق.توقاەۆ اعىمداعى كۇن ءتارتىبى بو­يى­نشا جۇرت­شى­لىق­تى جەدەل جانە تىكەلەي حاباردار ەتەدى, بۇل حالىققا ء«بىرىن­شى قولدان» سەنىمدى اقپارات الۋعا, سونداي-اق مەملەكەتتىڭ ءبىرىن­شى تۇلعاسى مەن ازاماتتار ارا­سىن­دا­عى قارىم-قا­تى­ناستاعى توس­قا­ۋىل­داردى جويۋ­عا مۇمكىندىك بەرەدى.

ق.توقاەۆ ازاماتتار مۇددە­لە­رى­نىڭ تەپە-تەڭدىگىن ساقتايتىن جانە ۇلت­­تىق يگىلىكتەردى ءادىل ءبولۋ پايداسىنا قاتى­سا­تىن تورەشى بولىپ تابىلادى.

زارەما شاۋكەنوۆا,

پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى