قازاقستان رەسپۋبليكاسى پارلامەنتى سەناتىنىڭ دەپۋتاتتارى سەرىك بەكتۇرعانوۆ, باقىتجان جۇماعۇلوۆ جانە ايگۇل قاپباروۆا ەلىمىزدىڭ دەنساۋلىق ساقتاۋ مينيسترلىگىنىڭ القا وتىرىسىنا قاتىستى.
القا وتىرىسىندا مەملەكەت باسشىسىنىڭ 2019 جىلعى 2 قىركۇيەكتەگى قازاقستان حالقىنا جولداۋىنىڭ نەگىزگى ەرەجەلەرىن ىسكە اسىرۋ ماسەلەلەرى قارالدى.
اتاپ ايتقاندا, ەلىمىزدىڭ ايماقتارىنداعى ەمدەۋ ۇيىمدارىنىڭ ينفراقۇرىلىمىن دامىتۋ جانە ماتەريالدىق-تەحنيكالىق قامتاماسىز ەتۋ ماسەلەلەرى, مىندەتتى الەۋمەتتىك مەديتسينالىق ساقتاندىرۋدى ەنگىزۋگە دايىندىق جانە ءولىم-ءجىتىمدى ازايتۋ جونىندەگى شارالار قارالدى.
وتىرىس بارىسىندا سەناتور سەرىك بەكتۇرعانوۆ ءسوز سويلەدى. سەناتور دەنساۋلىق ساقتاۋ سالاسىنداعى مەملەكەتتىك-جەكە مەنشىك ارىپتەستىك تەتىگىن دامىتۋ ماسەلەلەرىنە, سونداي-اق مىندەتتى الەۋمەتتىك مەديتسينالىق ساقتاندىرۋعا كوشۋ بارىسىنداعى ىقتيمال قاتەرلەرگە توقتالدى.