«اتامەكەن» قر ۇلتتىق كاسىپكەرلەر پالاتاسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ جانە ينۆەستيتسيالىق كليماتتى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جوباسىن تالقىلاۋ بويىنشا مەملەكەتتىك ورگان وكىلدەرىنىڭ كاسىپكەرلەر قوعامداستىعىمەن كەزدەسۋى وتكىزىلدى. بۇل تۋرالى economy.gov.kz حابارلادى.
ۇلتتىق ەكونوميكا مينيسترلىگى اتىنان كەزدەسۋگە ۆيتسە-مينيستر ءمادي تاكيەۆ پەن سالىق جانە كەدەندىك ساياسات دەپارتامەنتى ديرەكتورىنىڭ ورىنباسارى بوتاگوز حاميدۋللينا قاتىستى.
كەزدەسۋ بارىسىندا قر قارجى مينيسترلىگى وكىلدەرى سىرتقى ەكونوميكالىق قىزمەتكە قاتىسۋشىلارعا تەكسەرۋ جۇرگىزۋگە قاتىستى وزگەرىستەر قاراستىرىلاتىن تۇزەتۋلەردى تانىستىردى.
تانىستىرىلعان تۇزەتۋلەردى تالقىلاۋدىڭ قورتىندىسى بويىنشا «اتامەكەن» ۇكپ, بيزنەس وكىلدەرىنىڭ ەسكەرتپەلەرى تىڭدالىپ, سونداي-اق بىرقاتار تۇزەتۋلەردى وزگەرتۋ جونىندەگى ۋاعدالاستىققا قول جەتكىزىلدى.