2019 جىلعى قاڭتاردان تامىزعا دەيىن رەسپۋبليكالىق بيۋدجەتتەن بازالىق زەينەتاقى تولەۋگە 469,9 ملرد تەڭگە, ىنتىماقتى زەينەتاقى تولەمدەرى -1 029,7 ملرد تەڭگە باعىتتالدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى.
2019 جىلعى 1 قىركۇيەكتەگى جاعداي بويىنشا بازالىق زەينەتاقى تولەمدەرىن الۋشىلار 2 ملن 171,2 مىڭ ادام, ىنتىماقتى زەينەتاقى تولەمدەرىن شامامەن 2 ملن 190,1 مىڭ ادام الادى.
زەينەتاقى تولەمدەرىنىڭ ورتاشا مولشەرى, بازالىق زەينەتاقى تولەمىن ەسكەرە وتىرعاندا 2018 جىلعى 1 قىركۇيەككە 85 679 تەڭگەنى قۇرادى. ول ۇقساس كەزەڭمەن سالىستىرعاندا 5,5%-عا جوعارى.
2019 جىلعى 1 قىركۇيەكتەگى جاعداي بويىنشا ەلىمىزدەگى زەينەتكەرلەردىڭ سانى 2 ميلليون 190 مىڭ ادامدى قۇرادى, ونىڭ ىشىندە 2019 جىلى شامامەن 43 مىڭ جاڭا زەينەتكەر قوسىلعان.