قوستاناي وبلىسى عانا ەمەس, قازاقستانداعى ەڭ ءىرى اۋىل شارۋاشىلىق حولدينگى بولعان «يۆولگا-حولدينگ» جشس بۇرىنعى جەتەكشىسى ۆاسيلي روزينوۆكە اسا ءىرى كولەمدە الاياقتىق جاسادى دەگەن كۇدىكپەن كىنا تاعىلىپ وتىر. وبلىستىق سوتتىڭ ءباسپاسوز قىزمەتى ونىڭ ءىسى سوتقا تۇسكەنىن حابارلادى.
قوستاناي قالالىق №2 سوتتا «يۆولگا-حولدينگتىڭ» بۇرىنعى باس ديرەكتورى ۆاسيلي روزينوۆكە قاتىستى قىلمىستىق ءىس قر قك 177-بابىنىڭ 4 - ءبولىمىنىڭ «ب» تارماعى بويىنشا (قك 1997 جىلعى رەداكتسياسى), ياعني اسا ءىرى كولەمدە الاياقتىق جاسادى دەگەن كۇدىكپەن قارالادى. سوت ۇستىمىزدەگى جىلدىڭ 17 قىركۇيەگىندە باستالادى. روزينوۆ تەرگەۋ اياقتالعانشا كەپىلدىكپەن ۇيىندە بولدى. سوت كەزىندە بۇلتارتپاۋ شارالارى سول كۇيىنشە قالادى.
ۆاسيلي روزينوۆ ەلىمىزدەگى اسا ءىرى اگروحولدينگىنىڭ يەسى جانە قازاقستانداعى باي, ەڭ ىقپالدى بيزنەسمەندەردىڭ دە ءبىرى بولدى. «يۆولگا حولدينگ» جاۋاپكەرشىلىگى شەكتەۋلى سەرىكتەستىگىنىڭ ءىسى 2016 جىلدان باستاپ شاتقاياقتاي باستاعان. ال 2017 جىلدىڭ اياعىندا ول «يۆولگا حولدينگ» جشس باس ديرەكتورلىعىنان كەتىپ, ونىڭ ورنىنا ايداربەك حودجانازاروۆ كەلدى, 2018 جىلى «يۆولگا حولدينگ» جشس-ءنىڭ ورنىنا «ولجااگرو» جشس قۇرىلدى.
قوستاناي