الماتىدا بالالار ءۇيىنىڭ تاربيەلەنۋشىلەرى اراسىندا «ارمانىڭا ۇمتىل» اتتى ۇرانمەن فۋتبولدان ەل بىرىنشىلىگى وتۋدە. دوپ دوداسىندا رەسپۋبليكامىزدىڭ 10 ايماعىنان كەلگەن 12 كوماندا شەبەرلىك بايقاسۋدا. جەڭىمپازدار «سانتياگو بەرنابەۋگە» بارادى.
ايتۋلى سپورتتىق شاراعا وراي كەشە ورتالىق ستاديوندا ءباسپاسوز-ءماسليحاتى ۇيىمداستىرىلدى. وسى جيىنعا قاتىسقان «قايرات» كلۋبىنىڭ ارداگەرى ۆيكتور كاتكوۆ جارىسقا قاتىسۋشىلاردى قۇتتىقتاي كەلە, شارانىڭ ءمانى مەن ماڭىزىنا توقتالدى.
بەلگىلى مەتسەنات قايرات قۇدايبەرگەن: «فۋتبول – الەمدەگى ەڭ دەموكراتيالىق سپورت ءتۇرى. ونى بايلار دا, كەدەيلەر دە, باستىقتار دا, باسقالار دا وينايدى. كەزىندە ءوزىم دە «قايرات» پەن ەلىمىزدىڭ جاسوسپىرىمدەر قۇراماسىنىڭ نامىسىن قورعادىم. قازىر الماتىلىق كلۋبتىڭ فاناتىمىن. بالالار ءۇيى تاربيەلەنۋشىلەرىنىڭ وسى جولدىڭ تاڭداعانىنا قاتتى قۋانتىپ وتىرمىن. ەرتەڭ وسى جاس ورەندەر اراسىنان تەك شەبەر فۋتبولشىلار عانا ەمەس, پرەزيدەنتتەر مەن مينيستەرلەر دە, باسقا دا لاۋازىم يەلەرى شىعاتىنىنا بەك سەنىمدىمىن. ەڭ باستىسى, ەش كەدەرگىلەرگە قاراماستان ءوز ارمانىڭىزعا ۇمتىلىڭىز. تەك سوندا عانا ءار ادام كوزدەگەن ماقساتىنا قول جەتكىزە الادى», – دەپ ءوز ويىن تۇيىندەدى.
«BAURZHAN» قايىرىمدىلىق قورى, قازاقستان فۋتبول فەدەراتسياسى جانە بعم بالالاردىڭ قۇقىقتارىن قورعاۋ كوميتەتىنىڭ مۇرىندىق بولۋىمەن ءوتىپ جاتقان وسى جارىستىڭ جەڭىمپازى يسپانياداعى اتاقتى «رەال مادريد» كلۋبى مەن ايگىلى «سانتياگو بەرنابەۋ» ستاديونىن ءوز كوزدەرىمەن كورۋ مۇمكىندىگىنە يە بولادى.
تاعى ءبىر ايتا كەتەرلىك جايت, جەتى جىل بويى ۇيىمداستىرىلىپ كەلە جاتقان بىرىنشىلىكتە جەڭىسكە جەتكەن كوماندالار ساپىنداعى 64 تاربيەلەنۋشى بۇعان دەيىن «بارسەلونا», «ميلان», «پاري سەن- جەرمەن» كلۋبتارىنا بارىپ, مەسسي, روببەن, توررەس, نەيمان جانە تاعى باسقا جۇلدىزدارمەن جۇزدەسىپ قايتقان ەدى.