الماتى وبلىسىندا وندىرىستىك تسەحتا بولعان جارىلىس سالدارىنان تاعى ءبىر ادام كوز جۇمدى. زارداپ شەككەن 38 جاستاعى ەر ادام اۋرۋحانانىڭ جانساقتاۋ بولىمىندە جان تاپسىردى, دەپ حابارلايدى قازاقپارات ءتىلشىسى.
«وندىرىستىك تسەحتا بولعان جارىلىس سالدارىنان زارداپ شەككەن 1981 جىلعى ازامات 31 تامىز كۇنى ساعات 20:20-دا اۋرۋحانانىڭ جانساقتاۋ بولىمىندە كوز جۇمدى. 1984 جىلعى تاعى ءبىر ناۋقاس تراۆماتولوگيا بولىمىنەن جانساقتاۋ بولىمىنە اۋىستىرىلدى. جاعدايى وتە اۋىر. بىراق ەسىن بىلەدى. كەشە اياعىنا وتا جاسالدى», - دەدى الماتى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ حاتشىسى ءلايلىم اۋباكىروۆا.
ەسكە سالساق, 31 تامىز كۇنى قاراساي اۋدانىنىڭ رايىمبەك اۋىلىندا گازبەتوندى بلوك شىعاراتىن تسەحتا جارىلىس بولدى. سالدارىنان تسەح ءىشىنارا بۇزىلىپ, ءتۇتىن شىعاتىن قۇبىردىڭ ءبىر بولىگى جەكە تۇرعىن ءۇي سەكتورىنىڭ اۋماعىنا ۇشىپ تۇسكەن. جارىلىس ورنىندا 1961 جىلعى ەر ادامنىڭ دەنەسى تابىلدى. اۋداندىق اۋرۋحاناعا ءارتۇرلى جاراقاتپەن ءۇش ادام جەتكىزىلگەن ەدى.