سەنبى, 16 اقپان 2013 7:53
قوعامداعى تۇراقتىلىق قازىرگى زاماندا ەڭ قىمبات تا باستى قۇندىلىق. سوڭعى 15-20 جىلداعى دۇنيەدەگى ءارتۇرلى قۇبىلىستار قوعام تۇراقتىلىعىنا وتە ۇلكەن اسەر ەتىپ وتىرعانىنا ابدەن كوزىمىز جەتتى. تۇراقتىلىعىنان ايىرىلعان قوعام ەل-جۇرتى سەڭدەي سوعىلىپ, ەرتەڭگە دەگەن سەنىمنەن ءۇمىت ۇزگەن قوعام.
قوعامداعى تۇراقتىلىق جەر قويناۋىنداعى قازبا بايلىققا, حالىق سانىنا, نە ەل مەكەندەگەن جەر اۋماعى مەن جاعدايىنا بايلانىستى ەمەس.
سەنبى, 16 اقپان 2013 7:53
قوعامداعى تۇراقتىلىق قازىرگى زاماندا ەڭ قىمبات تا باستى قۇندىلىق. سوڭعى 15-20 جىلداعى دۇنيەدەگى ءارتۇرلى قۇبىلىستار قوعام تۇراقتىلىعىنا وتە ۇلكەن اسەر ەتىپ وتىرعانىنا ابدەن كوزىمىز جەتتى. تۇراقتىلىعىنان ايىرىلعان قوعام ەل-جۇرتى سەڭدەي سوعىلىپ, ەرتەڭگە دەگەن سەنىمنەن ءۇمىت ۇزگەن قوعام.
قوعامداعى تۇراقتىلىق جەر قويناۋىنداعى قازبا بايلىققا, حالىق سانىنا, نە ەل مەكەندەگەن جەر اۋماعى مەن جاعدايىنا بايلانىستى ەمەس.
قوعامداعى تۇراقتىلىقتىڭ مىزعىماس نەگىزى – مەملەكەتتىڭ ساليقالى ساياساتىن قالىپتاستىرعان, ونى ىسكە اسىرىپ وتىرعان مەملەكەت باسشىسى نۇرسۇلتان ءابىش ۇلى نازارباەۆتىڭ پاراساتتىلىعى. بولاشاققا ايقىن بولجام جاساپ, حالقىنىڭ كۇش-قايراتىن ەل يگىلىگىنە اسىرۋدىڭ سارا جولىن تابۋى.
قوعام تۇراقتىلىعىنىڭ جەمىسى مەملەكەتتىڭ ىشكى-سىرتقى ساياساتىمەن كورشى ەلدەردىڭ ساناسۋى, دۇنيەجۇزىلىك ۇيىمداردىڭ ىسىنە بەلسەنە ارالاسۋى, ءوز پىكىرى مەن باستامالارىن حالىقارالىق دەڭگەيدە جۇزەگە اسىرا ءبىلۋى.
ءبىز جيىرما جىلدا جەتكەن وسىنداي جەتىستىككە جۇزدەگەن جىل تاريحى بار مەملەكەتتەردىڭ ءوزى ءالى كۇنگە دەيىن قول جەتكىزە الماي وتىر.
شۇكىرشىلىك, تاۋەلسىز ەلىمىز اسا ماڭىزدى حالىقارالىق ۇيىمداردىڭ جۇمىستارىن وتە جوعارى جاۋاپكەرشىلىكپەن وتكىزىپ الەمگە اتتارى ءمالىم, تاجىريبەسى مول ساراپشىلاردىڭ لايىقتى باعاسىن الدى.
وسىنىڭ ءبارى ەلباسىنىڭ سارابدال ساياساتىنىڭ نەگىزىندە قوعامدا ورىن العان تۇراقتىلىقتىڭ جەڭىسى مەن جەمىسى.
كۇنى كەشە پاريج قالاسىندا ەكسپو كورمەسىنىڭ 2017 جىلى استانادا وتكىزىلۋى تۋرالى شەشىم قابىلدانۋى دا ەلىمىزدىڭ مەرەيىن كوتەرىپ وتىر. بۇل ەلباسىمىزدىڭ ابىرويى مەن بەدەلىن دۇنيە جۇزىنە بەلگىلى قاۋىمداستىقتىڭ قۇپتاۋى مەن قولداۋى.
جەر شارىنىڭ التىدان ءبىر بولىگىن جالپاعىنان باسقان, الپاۋىت, قاباعىنا دۇنيەنىڭ تەڭ جارتىسى قاراعان كەڭەس وكىمەتىنىڭ ەنشىسى بولماعان جەتىستىك بۇگىن ىرگەلى ەل بولعان قازاعىما سەنىپ تاپسىرىلعانىنا قالاي قۋانبايمىز.
بۇل جاعداي ەڭ الدىمەن, ەلباسىن قولداعان قازاعىمنىڭ اۋىزبىرلىگىنىڭ, ەل كاسىپكەرلەرى ىنتىماعىنىڭ, ەل باسقارىپ وتىرعان ازاماتتاردىڭ تاباندىلىعىنىڭ جەتىستىگى!
150 جىلدىق تاريحى بار حالىقارالىق كورمەنى وتكىزۋ قۇقىعىنا يە بولۋ ءبىزدىڭ مەملەكەتىمىزدىڭ جوعارى مارتەبەسى مەن بەدەلىنىڭ الەمدىك قوعامداستىققا تانىلۋىنا جانە قازاقستاننىڭ حالىقارالىق دەڭگەيدە العا جىلجۋىنا ىقپال ەتەتىن بولادى. وسىنداي اۋقىمدى ءىس-شارالار وتكىزۋ شاعىن جانە ورتا كاسىپكەرلىكتىڭ دامۋىنا ەلەۋلى سەرپىن بەرەرى ءسوزسىز. كورمە استانامىزدىڭ ودان ءارى كوركەيىپ, سانىنە ءسان, سالتاناتىنا سالتانات قوساتىن بولادى.
«بولاشاق ەنەرگياسى» دەگەن كورمە تاقىرىبى الەمدىك قاۋىمداستىقتىڭ كوكەيتەستى, كوپتەن بەرى تولعاندىرعان قازىرگى زاماننىڭ ەڭ وزەكتى ماڭىزدى ماسەلەسى. كورمەنىڭ جەتىستىگى ەرتەڭگى كۇننىڭ, بولاشاق ۇرپاق پايدالاناتىن نەمەسە ىسكە اسىراتىن ەنەرگەتيكانىڭ بالاما كوزدەرىن يگەرۋ جولدارى تۋرالى بولۋىندا.
استانا ەنەرگەتيكا سالاسىندا ۇزدىك يدەيالار مەن تاجىريبەلەردى جينايتىن, عىلىم مەن تەحنيكانىڭ ەڭ وزىق ناتيجەلەرىن ۇسىناتىن ورتالىققا اينالادى.
ەكسپو كورمەسىن وتكىزۋ ەكونوميكالىق الىپ مەملەكەتتەر ەنشىسى. وسىنداي وتە ماڭىزدى, اسا جاۋاپتى شارانى ەلىمىزدىڭ ابىرويمەن اتقارۋىن تىلەپ, ءوز تاراپىمنان بىرەر تىلەگىمدى جۇمىس توبىنىڭ نازارىنا ۇسىنباقشىمىن.
بىرىنشىدەن, ەلباسى اتاپ وتكەندەي, ۇيالى تەلەفون بايلانىسىن, ەلەكتروندى قۇجات سالاسىن, ينتەرنەتتى دايىنداۋ قاجەت. دۇنيەنىڭ ءتورت بۇرىشىن شارلاعان, كورگەنى كوپ, بايلانىس قۇرالدارىنىڭ ءمان-جايىن, مۇمكىنشىلىگى مەن ارتىقشىلىعىن اناسىنان تۋا بىلەتىن شەتەلدىك ماماندار مەن قوناقتاردىڭ كوڭىلىنەن شىعا بىلەيىك.
ەكىنشىدەن, بۇگىننەن باستاپ استانامىزدى ادەمىلىگى كوز جاۋىن الارداي, تازا قوناقۇيىمەن, جىلى لەبىزدى, ك ۇلىم كوزدى قوناقجاي تۇرعىندارىمەن, ءدامدى دە ءتاتتى تاعامى مول اسحانا, مەيرامحانالارىمەن, قۇلاق قۇرىشىن قاندىراتىن انىمەن, كۇمبىرلەگەن دومبىراسى مەن ءىلتيپاتتى قىزمەتىمىزدى كەلگەن قوناقتاردىڭ ەسىندە قالاتىڭداي ەتىپ دايىندايىق.
قوناعىن قۇدايىنداي سىيلاعان حالىقپىز.
ءۇش اي بويى 5 ميلليونعا جۋىق قوناق قازاعىمنىڭ تابيعاتىنا تاڭعالىپ مادەنيەتىمەن, ونەرىمەن تانىسىپ, قىزمەتىمىزگە ريزا بولىپ, قيماس دوستاي قوشتاسىپ, تاعى ءبىر كەلۋگە قول بەرۋى ءۇشىن بارلىعىمىز ەلباسىمىزدىڭ ويىن ىسكە اسىرۋ ءۇشىن ءبىر جەڭنەن قول, ءبىر جاعادان باس شىعارۋىمىز قاجەت, اعايىن.
تولەگەن يبراەۆ,
ءماجىلىس دەپۋتاتى, «نۇر وتان» حدپ
فراكتسياسىنىڭ مۇشەسى.