جۋكوۆسكي قالاسىندا قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى رومان سكليار «ماكس-2019» 14-ءشى حالىقارالىق اۆياتسيالىق-عارىشتىق سالونىنا قاتىسىپ, رەسەي فەدەراتسياسىنىڭ ونەركاسىپ جانە ساۋدا ءمينيسترى دەنيس مانتۋروۆپەن كەزدەستى. بۇل جونىندە يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
كەزدەسۋ بارىسىندا مينيسترلەر 2019 جىلعى 3 ساۋىردە قازاقستان رەسپۋبليكاسى پرەزيدەنتىنىڭ رەسەي فەدەراتسياسىنا ساپارى اياسىندا قول قويىلعان بىرلەسكەن قۇجاتتاردىڭ ورىندالۋ بارىسىن تالقىلادى.
كەزدەسۋ بارىسىندا №405 الماتى اۆياجوندەۋ زاۋىتى بازاسىندا 2020 جىلدان باستاپ ازاماتتىق ماقساتتاعى «مي» تىكۇشاقتارىن ءىرى توراپتىق قۇراستىرۋدى باستاۋ تۋرالى كەلىسىمگە قول جەتكىزىلدى.
سونىمەن قاتار, ۇشاق جاساۋ سالاسىندا قازاقستاندىق جانە رەسەيلىك كاسىپورىنداردىڭ بارىنشا كووپەراتسياسىن كوزدەيتىن جاڭا جوبالاردى ىسكە اسىرۋ باستالدى.
قازاقستاندىق كاسىپورىنداردىڭ ونىمدەرىن رەسەي فەدەراتسياسىندا شىعارىلاتىن اۆياپورتتاردى قۇراستىرۋ بويىنشا وندىرىستىك تىزبەككە بىرىكتىرۋگە ەرەكشە نازار اۋدارىلدى.
تاراپتار ونەركاسىپتىك كووپەراتسيانى دامىتۋدى جانە ەكى جاقتى جوبالاردى, ونىڭ ىشىندە قازاقستان رەسپۋبليكاسىنىڭ اۋماعىندا جۇمىس ىستەپ تۇرعان جانە جاڭا وندىرىستەر بازاسىندا ىسكە اسىرۋدى كوزدەيتىن كەڭ اۋقىمدى ماسەلەلەردى تالقىلادى.