سارسەنبى, 13 اقپان 2013 7:23
«مەكتەپ بىتىرۋشىلەرگە ماماندىق تاڭداۋعا كومەك» – وسىنداي تاقىرىپقا ارميا گەنەرالى س.نۇرماعامبەتوۆ اتىنداعى رەسپۋبليكالىق «جاس ۇلان» مەكتەبى باسشى قۇرامى الدىندا اسكەري-اۋە كۇشتەرى قولباسشىسىنىڭ تاربيە جونىندەگى ورىنباسارى پولكوۆنيك ەركىن جۇماعاليەۆ باستاما كوتەردى. بۇل يدەياعا مەكتەپ باستىعى پولكوۆنيك مارات بوتين قىزۋ قولداۋ كورسەتتى. سول كۇنى رەسپۋبليكالىق «جاس ۇلان» مەكتەبىندە جوسپارلانعان كەزدەسۋ وتكىزىلدى.
سارسەنبى, 13 اقپان 2013 7:23
«مەكتەپ بىتىرۋشىلەرگە ماماندىق تاڭداۋعا كومەك» – وسىنداي تاقىرىپقا ارميا گەنەرالى س.نۇرماعامبەتوۆ اتىنداعى رەسپۋبليكالىق «جاس ۇلان» مەكتەبى باسشى قۇرامى الدىندا اسكەري-اۋە كۇشتەرى قولباسشىسىنىڭ تاربيە جونىندەگى ورىنباسارى پولكوۆنيك ەركىن جۇماعاليەۆ باستاما كوتەردى. بۇل يدەياعا مەكتەپ باستىعى پولكوۆنيك مارات بوتين قىزۋ قولداۋ كورسەتتى. سول كۇنى رەسپۋبليكالىق «جاس ۇلان» مەكتەبىندە جوسپارلانعان كەزدەسۋ وتكىزىلدى.
پولكوۆنيك ە.جۇماعاليەۆ جوعارى سىنىپ وقۋشىلارىنا قازاقستان اۋە قورعانىسى كۇشتەرىنىڭ قۇرىلىمى تۋرالى ايتىپ, وسى اسكەر تۇرىنە ماماندار دايارلايتىن قازاقستانداعى جانە شەتەلدەردەگى اسكەري وقۋ ورىندارى تۋرالى حابارلادى. وقۋشىلار اقپاراتتى تىڭداپ جانە ادەمى جاسالعان سلايدتاردان قازاقستان اۋە كۇشتەرى قۇرامىنداعى ۇشاقتار مەن تىكۇشاقتاردى, اسكەري اۆياتسيانىڭ تولىققاندى جۇمىس ىستەۋىن قامتاماسىز ەتەتىن ماماندار جايلى ماعلۇماتتارعا قانىقتى.
«جاس ۇلان» مەكتەبى وقىپ جاتقان وقۋشىلارعا تەك اسكەري بولۋدى مىندەتتەمەيدى, بىراق تىڭداۋشىلاردىڭ كوپشىلىگى قازىردىڭ وزىندە اسكەري وقۋ ورنىنا تۇسۋگە شەشىم قابىلداعانى راس. ولاردىڭ دەنى اۆياتسيا ماماندارىن دايارلايتىن وقۋ ورنىن تاڭداعانى بەلگىلى بولدى. بۇل تەگىن ەمەس, سەبەبى, وقۋشىلاردىڭ كوپشىلىگى وقۋ بارىسىندا «مەملەكەتتىك اۆياتسيا ورتالىعىندا» تاعىلىمدامادان ءوتىپ, جەڭىل وقۋ-جاتتىعۋ ۇشاقتارىمەن كوك اسپاندا ءوز ەركىمەن سامعاپ, ورتاشا 60 ساعات ۇشۋ تاجىريبەسىن جيناعاندار.
قوزعالعان تاقىرىپقا ەرەكشە قىزىعۋشىلىق تانىتقان ۇلاندار قوناقتاردى سۇراقتىڭ استىندا قالدىردى. مۇنىڭ ءوزى ولاردىڭ ۇشقىشتار دايارلايتىن وقۋ ورىندارىنا قۇجاتتارىن تاپسىراتىندىعىن دالەلدەپ بەردى.
– مەن ءوزىم بۇرىننان ۇشقىش بولامىن دەپ شەشىپ قويعانمىن, بۇگىنگى كەزدەسۋ ءدال قانداي وقۋ ورنىنا ءتۇسۋىمدى انىقتاۋىما ءوز كومەگىن تيگىزدى, – دەپ اعىنان جارىلدى 11-سىنىپ وقۋشىسى ستانيسلاۆ تاششيلين. – بۇگىن ماعان ءبارى تۇسىنىكتى بولدى. مەن ءوز تاڭداۋىمدى جاسادىم.
– بەلگىلەنگەن ءتارتىپ بويىنشا قۇجاتتاردى اسكەري وقۋ ورىندارىنا قابىلداۋ اقپان ايىنان باستالدى. دەمەك, بۇل كەزدەسۋدىڭ تەككە كەتپەگەندىگى انىق. ەگەر وسى بالالاردىڭ ىشىنەن قاجەت دەگەن وقۋ ورنىنا ءتۇسىپ, بولاشاقتا ۇشقىشتار شىعىپ جاتسا, ءارى وعان ولار وكىنبەيتىن بولسا, وندا مەنىڭ بۇگىنگى كەزدەسۋىمنىڭ پايداسى تيگەندىگى, – دەدى پولكوۆنيك ەركىن جۇماعاليەۆ.
«ەگەمەن-اقپارات».