پرەمەر-ءمينيستردىڭ ورىنباسارى ب. ساپارباەۆ پەن ەلوردا اكىمى ا. كولگىنوۆ جاڭا وقۋ جىلىندا ءوز ەسىگىن ايقارا اشاتىن №87 جاڭا مەكتەپ-گيمنازياسىنا باردى. بۇل تۋرالى قالا اكىمدىگىنىڭ رەسمي سايتى حابارلادى.
ب. ساپارباەۆ مەكتەپتىڭ وقۋ جىلىنا دايىندىعىن قامتاماسىز ەتۋ قاجەتتىگىن اتاپ ءوتتى.
قالا اكىمى اتاپ وتكەندەي, كوپتەگەن مەكتەپتەردە, ولاردىڭ ىشىندە جاڭا مەكتەپتەردە, كىرەبەرىستەرمەن پروبلەمالار بار. مەكتەپكە جەتۋ ءۇشىن اتا-انالار مەن وقۋشىلارعا اۋلالار مەن اۆتوكولىكتەردىڭ تىزبەگى ارقىلى جۇرۋگە تۋرا كەلەدى. عيماراتتى سالۋ كەزىندە مەكتەپكە 4 كىرەبەرىس جول قاراستىرىلعان.
ەلوردادا بارلىعى 108 مەكتەپ پەن 162 مىڭ وقۋشى بار. 5 جىل ىشىندە 40 ءبىلىم بەرۋ نىسانىن سالۋ جوسپارلانۋدا. بۇدان باسقا 11-دەن استام وقۋ ورنى شەتەلدىك ينۆەستيتسيالار ەسەبىنەن سالىناتىن بولادى, بۇل مەكتەپتەر جالپى العاندا 10 مىڭنان استام جاڭا وقۋ ورىندارىن اشۋعا مۇمكىندىك بەرەدى.