وبلىس ورتالىعىنداعى ينۆەستورلار ۇيىندە «زاماناۋي اقپاراتتىق تەحنولوگيالار جانە بيزنەس» اتتى ءىى ايماقتىق ءىت فورۋم ءوتتى. فورۋم اياسىندا IT-جوبالار كورمەسى ۇيىمداستىرىلىپ, بولاشاقتا جۇزەگە اسىرىلماق. ولاردىڭ قاتارىندا ۋنيۆەرسيتەتتىڭ 13 جوباسى بار.
بوس ورىندارعا ۇمىتكەرلەردى تاڭداۋعا ارنالعان HRD Everest جۇيەسى, «Student Servicing Center» – ستۋدەنتتەرگە ونلاين رەجيمدە قىزمەت كورسەتۋ, «OpenU» –ونلاين رەجيمدە ءبىلىم الۋ باعدارلاماسى, «Education Bot» – Telegram-بوت ءبىلىم بەرۋ سالاسىندا قىزمەت الۋ قوسىمشاسى.
سونىمەن قاتار, قاتىسۋشىلار اۋاعا مونيتورينگ جاساۋ يننوۆاتسيالىق جوباسىمەن تانىستى. جوبا وكپە اۋرۋلارىن ازايتۋ, مەديتسينالىق دياگنوستيكالىق بىلەزىكتىڭ كومەگىمەن پاتسيەنتتىڭ دەنساۋلىعىن باقىلايدى.
مامانداردىڭ نازارىنا «تور» ەلەكتر موتوتسيكلى, سۇرىپتىق فاسوندى پروكاتتى ءوندىرۋ تەحنولوگيالارى ۇسىنىلدى.
شاراعا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ, وبلىس اكىمى بولات باقاۋوۆ, ايتي-تەحنولوگيالار سالاسىنداعى ساراپشىلار قاتىستى.
قاتىسۋشىلار الدىندا سىرتقى ىستەر ءمينيسترىنىڭ ورىنباسارى ە. كوشەرباەۆ ءسوز الدى. مينيستر ورىنباسارى جوبالاردىڭ تيىمدىلىگىن تىلگە تيەك ەتىپ, ولاردىڭ پايدالانۋ تيىمدىلىگى جونىندە ءسوز الدى.
«ەلەكتروبايك جاساۋ - ءبىر ءىس, بۇل ءىستى جاپپاي ونەركاسىپكە اينالدىرۋ كەرەك. حالىقارالىق تالاپتارعا سايكەس بيزنەس جوسپار ازىرلەپ, ينۆەستورلاردى قىزىقتىرۋ كەرەك», - دەيدى ە. كوشەرباەۆ.
فورۋم بارىسىندا Astana Hub باس ديرەكتورى حاب Joseph Kenneth Ziegler جانە ۋنيۆەرسيتەت پرورەكتورى, نۇرلان ەرجانوۆ تەحنوپارك پەن ۋنيۆەرسيتەت اراسىنداعى ىنتىماقتاستىق مەموراندۋمىنا قول قويدى.
فورۋم شەڭبەرىندە حاكاتوندار سەرياسىنىڭ جەڭىمپازدارى ماراپاتتالدى. جۇلدە قورى 1,5 ملن. تەڭگەنى قۇرادى.
پاۆلودار