قاراعاندى وبلىسىنىڭ بارلىق قالالارى مەن اۋداندارىندا كونستيتۋتسيا كۇنى مەرەكەسىندە كوپتەگەن ءىس-شارالار ۇيىمداستىرۋ جوسپارلانعان. قازىرگى ۋاقىتتا وڭىردەگى قالالار مەن ەلدى مەكەندەردىڭ كوشەلەرى قىزىلدى-جاسىلدى جالاۋشالارمەن, اتا زاڭنىڭ ءمان-ماعىناسىن ارقاۋ ەتكەن باننەرلەرمەن جانە شاعىن ساۋلەت پىشىندەرىمەن بەزەندىرىلىپ, مەرەكەلىك كەيىپكە ەنىپ كەلەدى.
مەرەكە كۇنى كەنشىلەر استاناسىنداعى ورتالىق ساياباقتا قالا تۇرعىندارى مەن قوناقتارى تەاترلاندىرىلعان قويىلىمداردى تاماشالايتىن بولادى. بۇدان كەيىن ول جەردە كونتسەرت بولىپ, ۆوكالدىق جانە حورەوگرافيالىق انسامبلدەر ەل الدىندا ونەر كورسەتەدى.
ال كەشكە قاراي قاراعاندى قالاسىنىڭ نەگىزى قالانعاننان باستاپ بۇگىنگى كۇنگە دەيىنگى تاريحى تەاترلاندىرىلعان قويىلىم تۇرىندە كورەرمەن قاۋىمعا ۇسىنىلماقشى. سونىمەن قاتار, بۇل كەشتە قاراعاندىلىقتار الدىندا قازاق ەستراداسىنىڭ جۇلدىزدارى ايجان نۇرماعامبەتوۆا مەن بولات قۇسايىنوۆ ونەر كورسەتەدى. بەلگىلى قوعام قايراتكەرلەرى دە ءان شىرقاپ, تىڭدارمان قاۋىمعا توسىنسىي جاساماقشى. ال مەرەكەلىك كەشتىڭ ءسان-سالتاناتىن وتشاشۋلار تۇيىندەيدى.
بۇعان قوسا, مەرەكە قارساڭىندا قاراعاندى وبلىسىنىڭ بارلىق قالالارى مەن اۋداندارىندا سالتاناتتى جيىندار وتەدى. بۇل كۇنى ەرەن ەڭبەگىمەن, ۇلگى ىستەرىمەن, تاماشا جەتىستىكتەرىمەن كوزگە ءتۇسىپ, نازارعا ىلىككەن وزاتتارعا جەرگىلىكتى اكىمدىكتەر تاراپىنان سىي-قۇرمەت كورسەتىلمەكشى.
قاراعاندى وبلىسى