جىل سايىن وتەتىن «ەرتىس مەريديانى» اتالاتىن تۋريستەر جيىنىنا ەلىمىزدىڭ وڭىرلەرىنەن 13 كوماندا قاتىسۋدا. بيىلعى 31-ءشى سلەت جاستار جىلىنا ارنالدى.
ۇيىمداستىرۋشىلاردىڭ ايتۋىنشا, سپورتشىلار باياناۋىلدىڭ وزەن-سۋ, تاۋلارىندا تۋريستەرگە كەزدەسەتىن توتەنشە جاعدايلاردان قالاي ساقتانۋ كەرەكتىگىن كورسەتتى. سايىستا كوماندالار سۋدا, جاياۋ ءجۇرۋ جانە تاۋ ءتۋريزمى سياقتى سپورت تۇرلەرىنەن جارىسقا ءتۇستى. قاي-قايسىسى بولماسىن جولدارىندا كەزدەسكەن كەدەرگىلەردەن وتۋدە شەبەرلىكتەرىن تانىتتى.
جارىس بارىسىندا سپورتشىلار كادىمگىدەي ەكسترەمالدى جاعدايدا جۇرەدى. مىسالى, جاسىباي كولىندە سپورتشى اپاتقا ۇشىراعان قايىققا جەتتى. دەرەۋ جەتىپ, ولار زاكىر تاستاپ, قۇتقارۋ ارقانىن قاقپاعا لاقتىرىپ, جاعاعا قايتارادى. تاعى ءبىر سپورتشى قۇتقارۋ ارقانىنىڭ كومەگىمەن شارتتى تۇردە سۋعا باتىپ بارا جاتقان ادامدى جاعاعا جەتكىزدى.
تورەشىلەر ەكسترەمالداردىڭ شەبەرلىكتەرىن جىلدام, جوعارى, كۇشتى دەپ باعالايدى. ويتكەنى, سپورتشىلار كەز كەلگەن جاعدايعا دايىن بولۋى كەرەك, جارىستىڭ ءبىرىنشى كۇنى جاۋعان جاڭبىر دا كەدەرگى بولماۋى كەرەك. سپورتشىلار ەندى 18 كەزەڭنەن تۇراتىن جاياۋ كروسس جارىسىنا قاتىسادى. سوڭىندا كونكۋرستار, بارد اندەرى مەن فوتوسۋرەتتەر كونكۋرسىنىڭ قورىتىندىسى جاريالانادى.
پاۆلودار وبلىسى