كەنشىلەر كۇنى ەۋرازيالىق توپ (ERG) قۇرامىنداعى وڭىردەگى اقسۋ قالاسىندا ورنالاسقان «ەۋروازياتتىق ەنەرگەتيكالىق كورپوراتسياسى» اق «شىعىس» كەنىشى وزدەرىنىڭ كاسىبي مەرەكەلەرىن اتاپ ءوتتى.
«ەۋروازياتتىق ەنەرگەتيكالىق كورپوراتسياسى» ەلىمىزدەگى ەلەكتر ەنەرگياسىنىڭ 17 پايىزىن, كومىردىڭ 20 پايىزىن وندىرەدى.
كورپوراتسياعا اقسۋ ەلەكتر ستانساسى, ەكىباستۇزداعى «شىعىس» كومىر كەنىشى جانە وندىرىستىك جوندەۋ بولىمشەسى قارايدى. ەنەرگەتيكالىق كورپوراتسيادا 6 227 ادام ەڭبەك ەتۋدە.
– كەنشىلەرمەن شاحتەرلەر ماماندىعى ءبىزدىڭ ءوڭىر ءۇشىن ماڭىزدى. ەكىباستۇزدىڭ دامۋى-كومىر ونەركاسىبىنىڭ دامۋىمەن, كەنشىلەردىڭ جۇمىسىمەن تىكەلەي بايلانىستى. قالادا وسى داڭقتى ماماندىق وكىلدەرىنىڭ بىرنەشە ۇرپاعى اۋىستى. ەڭبەك ارداگەرلەرى, زەينەتكەرلەرگە العىس ايتامىز. سىزدەر قالامىزدىڭ ەڭبەكتەگى ەسەلى ەرلىكتەرىمەن داڭققا بولەدىڭىزدەر. سىزدەرگە ارقايىم باس ءيىپ, تاعزىم ەتەمىز! – دەدى «شىعىس» كەنىشىنىڭ ديرەكتورى يۋري گونچاروۆ.
ەكىباستۇزدىڭ «بوگاتىر» جانە «شىعىس» كەنىشتەرىندە ەلىمىزدەگى كومىردىڭ 60 پايىزى وندىرىلەدى. ءبىر جىل ىشىندە ەڭبەگىمەن دارالانعان كەنشىلەرگە, كەنشى قىزمەتكەرلەرىنە توسبەلگىلەر, قۇرمەت گراموتالارى, العىس حاتتار تابىستالدى. مەرەكە كۇنى كەنىش اۋماعىندا قۇرمەت تاقتاسى اشىلدى. تاقتاعا 28 كەنشىنىڭ پورترەتتەرى ءىلىندى.
سالاداعى باستى ماراپات - «كەنشى داڭقى» قۇرمەت بەلگىسىن 47 كەنشى يەلەنسە, «ەڭبەك داڭقى» بەلگىسىمەن 32 كەنشى ماراپاتتالدى. ال «كومىر ءوندىرۋ ونەركاسىبىنىڭ قۇرمەتتى يەسى» اتاعى 8 كەنشىگە بەرىلدى.
– كەنىشتە 30 جىل ەڭبەك ەتىپ كەلەمىن. مىنە, مەن دە ماراپات الدىم. مەن ءۇشىن بۇل ۇلكەن قۋانىش, – دەيدى كونۆەيەر ءماشينيسى ەرجان كونەكباەۆ.
كەنشىلەر مەرەكەگە ارنالعان جيىنعا قاتىستى. كومىر ءوندىرۋشى كاسىپورىننىڭ كوركەم ونەرپازدارى ازىرلەگەن كونتسەرتتى تاماشالادى. ءداستۇر بويىنشا كەنشىلەر كۇنىنە ارنالعان كەڭ داستارحان جايىلدى.
ەكىباستۇز