عاسىرعا جۋىق تاريحى بار ماقات اۋدانىنىڭ باستى بايلىعى – مۇناي. بيىل اۋداننىڭ قۇرىلعانىنا 95 جىل, ال قازاق مۇنايىنىڭ يگەرىلگەنىنە 120 جىل تولادى. وسى مەرەيلى داتالارعا وراي ماقات كەنتىندە جاس مۇسىنشىلەردىڭ سيمپوزيۋمى ءوتىپ جاتىر.
مۇنايلى مەكەنگە العاش اياق باسقان ەلوردالىق جاس مۇسىنشىلەر قازىر قىزۋ جۇمىس ۇستىندە. تاۋلىگىنە ون ەكى ساعات بويى ەرىنبەي ەڭبەكتەنىپ جاتقان جاستارعا جەرگىلىكتى تۇرعىندار دا ەرەكشە قۇرمەتپەن قارايدى. سيمپوزيۋم تالابى بويىنشا, نۇر-سۇلتان مەن الماتى قالالارىنان كەلگەن مۇسىنشىلەر 10 ەكسپوزيالىق جۇمىستى اياقتاۋلارى ءتيىس. الدىمەن جوبالاردى تالقىلاپ, يدەيالارىن ورتاعا سالعان جاستار جاڭا جوباعا قىزىعۋشىلىقپەن كىرىسكەن.
- جاس مۇسىنشىلەردىڭ جۇمىستارى قىركۇيەك ايىندا اياقتالادى. ارنايى كوميسسيا سيمپوزيۋم قورتىندىسىن شىعارادى. جاسالعان جۇمىستار ماقات كەنتىنە قويىلادى. ەلباسىنىڭ «رۋحاني جاڭعىرۋ» باعدارلاماسى اياسىندا قولعا الىنعان بۇل باستاما ارقىلى حالقىمىزدىڭ ەجەلگى داستۇرلەرىن جاڭعىرتا وتىرىپ, جاس تالانتتاردى قولداۋدى ماقسات ەتتىك, - دەيدى اۋدان اكىمى جۇماباي قاراعاەۆ.
اقتاۋدىڭ اق تاسىنان قازاقى ناقىشتا قاشالعان مۇسىندەر الىستاعى اۋىلدىڭ اجارىن اشىپ, كوركىنە كورىك قوسارى انىق.
اتىراۋ