وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە, وڭىردە تۇرعىنداردى قىسقا مەرزىمدە وقىتىپ, جۇمىسپەن قامتۋعا باعىتتالعان «ەڭبەك» مەملەكەتتىك باعدارلاماسىن جۇزەگە اسىرۋ جۇرگىزىلۋدە.
شىلدە ايىندا رەسپۋبليكالىق بيۋدجەت كوميسسياسى ەلىمىزدە 54 مىڭ ادامنىڭ قىسقا مەرزىمدى ءبىلىم الۋى ءۇشىن 7,9 ملرد تەڭگە جانە 5,7 ملرد تەڭگە كولەمىندە شاكىرتاقى بولگەن.
بۇل رەتتە ءوڭىر تۇرعىندارىنىڭ وقۋىنا 549,8 ملن تەڭگە مەن شاكىرتاقىعا 150,3 ملن تەڭگە قاراستىرىلىپ وتىر. جىل سوڭىنان دەيىن اتالمىش قارجىعا 2300 ادام ءبىلىم الادى.
بىراق, باياناۋىل, ۋسپەن, ماي, اققۋلى اۋداندارى بەلگىلەنگەن جوسپاردى ورىنداي الماعان.
ال بۇعان تۇرعىندار اراسىندا ءتۇسىندىرۋ جۇمىستارىنىڭ از جۇرگىزىلەتىنى مەن قىسقا مەرزىمدى وقۋدى ءبىتىرىپ شىققانداردىڭ جۇمىسقا ورنالاسا الماۋى سەبەپ بولۋدا.
باسقارمانىڭ مالىمەتىنشە, وڭىردەگى «ەڭبەك» مەملەكەتتىك باعدارلاماسىنىڭ ءبىرىنشى باعىتى بويىنشا بيىلعى 1 قىركۇيەكتەن باستاپ 1035 ادام تەحنيكالىق جانە كاسىپتىك ءبىلىمدى الادى دەپ جوسپارلانعان.
وتكەن جىلى وقۋعا تۇسكەن 191 ادام تەحنيكالىق جانە كاسىپتىك وقۋدى ءبىتىرىپ, 131-ءى جۇمىسقا ورنالاسقان.
سوندىقتان ەڭبەك نارىعىندا سۇرانىسقا يە ماماندىقتار بويىنشا قىسقا مەرزىمدى كاسىپتىك وقىتۋعا 1349 ادامدى جىبەرۋ جوسپارلانعان.
بيىل وقۋدى 680 ادام ءبىتىرىپ, 122-ءسى جۇمىسقا ورنالاسقان. جۇمىسقا ورنالاسا الماعانداردىڭ سەبەبى دارىگەرلىك تەكسەرىستەن ءوتۋ مەن قاجەتتى قۇجاتتاردى جيناۋعا كەتەتىن ۋاقىت.
باعدارلامانىڭ ەكىنشى باعىتى «باستاۋ-بيزنەس» جوباسى بويىنشا 965 ادام ءبىلىم العان. ونىڭ ىشىندە 900 ادام وقۋدى اياقتاپ, 819-ى بيزنەس جوبالارىن قورعاپ شىققان. جىل سوڭىنا دەيىن تاعى 1500 ادام وقۋمەن قامتىلماق.
ال تۇرعىنداردى ەڭبەكپەن قامتۋ ماڭىزدى ماسەلە. مەملەكەت تۇرعىنداردىڭ ءبىلىم الىپ, ەڭبەك ەتۋىنە جاعداي جاساپ وتىر.
سوندىقتان باعدارلاما جونىندە جۇرتشىلىق اراسىندا ۇگىت-ناسيحات جۇمىستارىن جۇرگىزىلۋى قاجەت-اق.
پاۆلودار