دانات جۋمين جاڭا قىزمەتكە تاعايىندالدى

دانات جۋمين 1983 جىلى قوستاناي وبلىسىندا تۋعان. 

قوستاناي بيزنەس كوللەدجىن «مەنەدجمەنت جانە بۋحگالتەرلىك ەسەپ» ماماندىعى بويىنشا, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن «ساياساتتانۋ» ماماندىعى بويىنشا, «بولاشاق»  باعدارلاماسى بويىنشا مونتانا ۋنيۆەرسيتەتىن (مونتانا شتاتى, اقش) مەملەكەتتىك باسقارۋ ماگيسترى دارەجەسىمەن بىتىرگەن, گارۆارد بيزنەس مەكتەبىندە جوعارعى باسشىلاردى دايارلاۋدىڭ ۇشجىلدىق باعدارلاماسىن تامامداعان. 

2002-2007 جج. مەملەكەتتىك جاستار ساياساتىن جۇزەگە اسىرۋعا بەلسەنە قاتىسقان. قازاقستان ستۋدەنتتەر اليانسىن باسقارعان, قازاقستان جاستار كونگرەسىنىڭ اتقارۋشى ديرەكتورى قىزمەتىن اتقارعان. 

2009-2011 جج. مەملەكەتتىك باسقارۋ سالاسىندا جۇمىس ىستەدى. «مەملەكەتتىك قىزمەتشىلەر پەرسونالىن باسقارۋ بويىنشا ۇلتتىق ورتالىق» اق دەپارتامەنت ديرەكتورى, قر پرەزيدەنتى جانىنداعى مەملەكەتتىك باسقارۋ اكادەمياسى رەكتورىنىڭ كەڭەسشىسى, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ديپلوماتيا ينستيتۋتىنىڭ ديرەكتورىنىڭ ورىنباسارى بولىپ تاعايىندالعان. مەملەكەتتىك باسقارۋ رەفورمالارى جونىندەگى ەۋروپالىق كوميسسيانىڭ ۇلتتىق ساراپشىسى بولدى. 

2011-2013 جج. «Apex Consult» جشس - 2010 جىلى قۇرعان ستراتەگيالىق ماركەتينگتىك كوممۋنيكاتسيالار سالاسىنداعى كونسالتينگتىك اگەنتتىكتىڭ باس ديرەكتورى قىزمەتىن اتقاردى. 

2013-2014 جج. — حاتشىلىق باسشىسى – «بايتەرەك» ۇلتتىق باسقارۋشى حولدينگى» اق باسقارما توراعاسىنىڭ كەڭەسشىسى. 

2014-2016 جج. — «قازاقستان - 2050» جالپىۇلتتىق قوزعالىسى كەڭەسىنىڭ توراعاسى. 

2016-2017 جج. — «Apex Consult» جشس باقىلاۋ كەڭەسىنىڭ توراعاسى. 

2017 ج. قاراشا ايىنان «نۇر وتان» پارتياسىنىڭ ساياسي جۇمىستار دەپارتامەنتى ديرەكتورىنىڭ ورىنباسارى, 2018 ج. - دەپارتامەنت ديرەكتورى بولىپ تاعايىندالدى. 

2018 جىلعى شىلدە ايىنان 2019 جىلعى تامىز ايى ارالىعىندا شىمكەنت قالاسىنىڭ اكىمىنىڭ ورىنباسارى لاۋازىمىن اتقاردى, كاسىپكەرلىك, ونەركاسىپ جانە ينۆەستيتسيالار, اۋىل شارۋاشىلىعى, تۋريزم, تسيفرلاندىرۋ ماسەلەلەرىنە جەتەكشىلىك ەتتى.