بۇگىن نۇر-سۇلتان قالاسىنداعى دوستىق ۇيىندە قازاقستان حالقى اسسامبلەياسى ۇلتتىق ۇستەل ويىندارىنىڭ فەستيۆالىن وتكىزدى. بۇل تۋرالى قحا باسپاسوز قىزمەتى حابارلادى.
ءىس-شاراعا قازاقستان حالقى اسسامبلەياسى توراعاسىنىڭ ورىنباسارى ج.ق.تۇيمەباەۆ, اسسامبلەيانىڭ جانە قحا قوعامدىق قۇرىلىمدارىنىڭ مۇشەلەرى, ەتنومادەني بىرلەستىكتەر مەن جاستار قوزعالىسىنىڭ وكىلدەرى, قوعام قايراتكەرلەرى مەن قالا قوناقتارى قاتىستى.
فەستيۆالدىڭ نەگىزگى يدەياسى – قازاقستان حالقىنىڭ مادەني قۇندىلىقتارى مەن ءتىل الۋاندىعىن كورسەتۋ, قوعامدىق كەلىسىم مەن ۇلتتىق بىرلىكتى نىعايتۋ, ەتنوس وكىلدەرى اراسىندا تىعىز بايلانىس پەن دوستىق قارىم-قاتىناس ورناتىپ, ءارتۇرلى ۇلتتىڭ ويىندارىن ۇيرەنۋگە, مادەني مۇرالارىمەن تانىسۋعا مۇمكىنشىلىك جاساۋ. سونداي-اق ۇستەل ويىندارىنىڭ شىعۋ تاريحى مەن پايداسى تۋرالى اڭگىمەلەۋ, جاستار اراسىندا سالاۋاتتى ءومىر سالتىن قالىپتاستىرۋعا ۇيىتقى بولۋ.
فەستيۆال بارىسىندا ۇستەل ويىندارى شەبەرلەرىمەن كەزدەسۋ ۇيىمداستىرىلىپ, شەبەرلىك سىنىپتارى وتكىزىلدى. قحا ەتنومادەني بىرلەستىكتەرى شىعارماشىلىق ۇجىمدارىنىڭ كونتسەرتتىك باعدارلاماسىمەن جالعاستى.
سوڭىنان جەڭىمپازدار باعالى سىيلىقتارمەن ماراپاتتالىپ, العىسحاتتار تاپسىرىلدى.