قوستاناي جوو-لارى پوليتسيا كادرلارىن دايارلايتىن بولادى

پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى ارداق ىنتىقباەۆتىڭ ايتۋىنشا, قۇجات وبلىستىڭ وقۋ ورىندارى مەن ىشكى ىستەر مينيسترلىگى اراسىنداعى عىلىمي ىنتىماقتاستىقتى رەتتەمەك.

- پوليتسەي ماماندىعىنىڭ بەدەلى جىلدان جىلعا ارتىپ كەلەدى. بيىل 1 شىلدەدەن باستاپ پاترۋلدىك پوليتسيا قىزمەتكەرلەرىنىڭ جالاقىسى 65%-عا, جەدەل قىزمەت ساقشىلارىنىڭ ەڭبەكاقىلارى 55%-عا ءوستى. سونداي-اق وڭىرگە قاراي تۇرعىن ءۇيدى جالعا الۋ ءۇشىن 20 مىڭ تەڭگەدەن 50 مىڭ تەڭگەگە دەيىن وتەماقى قاراستىرىلعان. سونىمەن قاتار پوليتسيا قىزمەتكەرلەرى مەن ولاردىڭ وتباسى مۇشەلەرىنە, قۇقىق قورعاۋ ورگاندارىنىڭ ارداگەرلەرىنە تەگىن مەديتسينالىق قىزمەت كورسەتىلەدى, – دەپ اتاپ ءوتتى پوليتسيا پولكوۆنيگى.

قۇجاتقا «2019-2021 جىلدارعا ارنالعان ىشكى ىستەر ورگاندارىن جاڭعىرتۋ جونىندەگى جول كارتاسىن» جۇزەگە اسىرۋ شەڭبەرىندە قول قويىلدى, ونداعى باسىم باعىتتاردىڭ ءبىرى – جۇرتشىلىقپەن ءتيىمدى ءوزارا ءىس-قيمىل, حالىقپەن جۇمىستىڭ جاڭا فورماتى, قۇقىق قورعاۋ ورگاندارىنىڭ كادرلارىن ىرىكتەۋ جانە دايارلاۋ.

- ءبىز مەموراندۋم اياسىندا جوو-نىڭ ستۋدەنتتەرىن جۇمىسقا ورنالاستىرۋ جانە تاجىريبەدەن ءوتۋ تۋرالى ناقتى كەلىسىمدەرگە قول جەتكىزدىك. ىنتىماقتاستىق شەڭبەرىندە وقۋ جوسپارلارىن تۇزەتىپ, جۇمىس بەرۋشىنىڭ تىلەكتەرىن ەسكەرەمىز. جىل سايىن ەكى مىڭنان استام زاڭگەر دايارلايمىز جانە بۇل باعىت ەسەپتىك مەكەمەدە اسا تالاپ ەتىلگەن, - دەپ اتاپ ءوتتى چەليابى مەملەكەتتىك ۋنيۆەرسيتەتىنىڭ قوستاناي فيليالى ديرەكتورىنىڭ ورىنباسارى ناتاليا ناليزكو. 

بۇدان ءارى مەموراندۋمنىڭ مىندەتتەرىن ىسكە اسىرۋ ءۇشىن بىرلەسكەن ءىس-شارالار جوسپارى جاسالادى.