22-25 قىركۇيەك ارالىعىندا رەسەيدىڭ استراحان قالاسىندا فۋتزالدان «كاسپي كۋبوگى» جولىنداعى جارىس وتەدى.
كاسپي تەڭىزى جاعالاۋىندا ورنالاسقان ءتورت مەملەكەت وكىلدەرىنىڭ قاتىسۋىمەن وتەتىن ايتۋلى ءتۋرنيردىڭ دەڭگەيى جوعارى بولاتىنى داۋسىز. سەبەبى, استراحانداعى دوپ دوداسىندا باق سىناۋعا بەل بۋعان كوماندالاردىڭ بارلىعى دا مىقتى. اتاپ ايتساق, رەسەي – الەم چەمپيوناتىنىڭ كۇمىس جانە قولا جۇلدەگەرى, ەۋروپا چەمپيونى جانە سول جارىستىڭ سەگىز دۇركىن جۇلدەگەرى. يران – الەم چەمپيوناتىنىڭ قولا جۇلدەگەرى, ازيانىڭ 11 دۇركىن چەمپيونى. ءازىربايجان دۇنيەجۇزىلىك دودانىڭ شيرەك فينالىندا جانە قۇرلىق بىرىنشىلىگىنىڭ جارتىلاي فينالىندا ونەر كورسەتتى. ال قازاقستان – ازيا چەمپيوناتىندا ەكى رەت جانە ەۋروپا چەمپيوناتىندا ءبىر رەت جۇلدە العان كوماندا.
جەرلەستەرىمىز وزدەرىنىڭ العاشقى كەزدەسۋىن 22 قىركۇيەكتە يران قۇراماسىنا قارسى وتكىزەدى. كەلەسى كۇنى رەسەيمەن كۇش سىناسامىز. جارىستىڭ سوڭعى كۇنى ازىربايجانمەن شەبەرلىك بايقاسامىز.