الەكساندر ۆينوكۋروۆ اتىنداعى سپورت سارايىندا سالا ماماندارى ماراپاتتالدى.
وبلىس اكىمىنىڭ ورىنباسارى اسقار ساقىپكەرەەۆ ايماق باسشىسىنىڭ قۇتتىقتاۋىن جەتكىزدى. شارا بارىسىندا سپورت ساڭلاقتارىنىڭ جەتىستىكتەرىن باياندايتىن بەينەفيلم تاماشالاندى. بۇگىندە تورتجۇزدەن استام جەرلەسىمىز ەلىمىزدىڭ قۇراما كوماندالارىندا جاقسى ونەر كورسەتىپ, بيىلدىڭ وزىندە عانا ءۇش جۇزدەي مەدالعا يە بولدى.
دەنە شىنىقتىرۋ مەن سپورتتى دامىتۋعا قوسقان ەلەۋلى ۇلەسى جانە وسى سالادا ۇزاق جىلعى ەسەلى ەڭبەگى ءۇشىن ءبىر توپ ازاماتقا وبلىس اكىمىنىڭ قۇرمەت گراموتالارى مەن العىس حاتتارى سالتاناتتى تۇردە تابىس ەتىلدى. مامليۋت اۋدانى بالالار مەن جاسوسپىرىمدەر سپورت مەكتەبىنىڭ جاتتىقتىرۋشىسى حاريس ماۆليۋتوۆ مادەنيەت جانە سپورت مينيسترلىگىنىڭ «دەنە شىنىقتىرۋ جانە سپورتتى دامىتۋداعى ەڭبەگى ءۇشىن» توسبەلگىسىمەن, ارداگەرلەر جامبىل تاسەمەنوۆ, الەكساندر ۆيننيكوۆ, اناتولي فەدوروشين, انتونينا ۆولكوۆا «قۇرمەتتى سپورت ارداگەرى» مەدالىمەن ماراپاتتالدى.
وبلىستىق حالىق سپورتى ويىنداردارىندا ەڭ ۇزدىك ناتيجە كورسەتكەن قىزىلجار, ع.مۇسىرەپوۆ جانە شال اقىن اۋدانىنىڭ سپورتشىلارىنا كۋبوك پەن گراموتالار تابىستالدى.
شارا مەرەكەلىك كونتسەرتكە جالعاستى.
سولتۇستىك قازاقستان وبلىسى