قوستاناي قالاسىنا 140 جىل تولدى. قوستانايلىقتار مەن قالا قوناقتارى ونى ەكى كۇن بويى كەڭ كولەمدە اتاپ ءوتىپ جاتىر.مەرەكە باعدارلاماسى مازمۇندى ءارى باي. مەرەكەگە قالا اكىمدىگى بارىنشا دايىندالدى, قالانى گۇل كومكەرىپ تۇر. قالا مەرەكەسى اياسىندا وبلىس ورتالىعىندا كوپتەگەن شارالار وتكىزۋ قامتىلعان.
مەرەكەنى كەشە قوستاناي قالاسىنداعى جاڭا اسەم عيماراتتا وتكەن ء«شامشى الەمى» كونتسەرتى باستادى. بۇگىن بەلگىلى ءمۇسىنشى حاكىمجان ناۋرىزباەۆقا قويىلعان ءمۇسىننىڭ بەلگىلى ونەر جانە ادەبيەت مايتالماندارى ءارى تالانتتى ءمۇسىنشىنىڭ زامانداس ىنىلەرى ءاسانالى ءاشىموۆتىڭ, جازۋشى تولەن ابدىكتىڭ, قويشىعارا سالعارا ۇلىنىڭ قاتىسۋىمەن سالتاناتتى اشىلۋى ءوتتى.
مەرەكە ورتالىق الاڭدا وتەتىن «ارۋ قالام – قوستانايىم!» اتتى سالتاناتتى كەشكى باعدارلامامەن جالعاسىپ تاپپاق. وندا وبلىس اكىمى ارحيمەد مۇحامبەتوۆ قوستانايلىقتاردى مەرەكەمەن قۇتتىقتايدى, «قوستاناي وبلىسىنىڭ قۇرمەتتى ازاماتى», «قوستاناي قالاسىنىڭ قۇرمەتتى ازاماتى» توسبەلگىلەرى تاپسىرىلادى. ارينە, مەرەكە ءسانىن ءان مەن جىر كەلتىرەدى, قوستانايلىقتار قازاقستان جانە رەسەي ەسترادا جۇلدىزدارىنىڭ قاتىسۋىمەن گالا كونتسەرتىن تاماشالايدى, مەرەكەلىك وتشاشۋدى قازاتايدى.
قوستاناي