وبلىس ورتالىعىنداعى قوعامدىق كولىكتەرگە QR-كود ارقىلى تولەم جاساۋ جۇيەسىنىڭ پيلوتتىق جوباسى ەنگىزىلدى.
جول اقىسىن ەلەكتروندىق ادىسپەن وتەۋ جولاۋشىلار ءۇشىن بىردەن-ءبىر ءتيىمدى ءادىس بولماق. «4 ا» اۆتوبۋسىنىڭ ىشىندە ورنالاسقان QR-كودىن سكانەرلەۋ ارقىلى جولاقىنى تەز-اق تولەۋگە بولادى.
«تۇرعىندار جول اقىسىن قولما-قول اقشاسىز تولەۋ ء ۇشىن ۇيالى تەلەفوندا حالىق نەمەسە حوۋم بانكىنىڭ موبيلدىك قوسىمشاسى بولۋى كەرەك. وسى قۇرىلعىنىڭ كومەگىمەن كامەرانى قوسىپ, اۆتوبۋستاعى QR-كودتى سۋرەتكە تۇسىرسەڭىز جەتكىلىكتى. بىرەر سەكۋندتان سوڭ بيلەت قولىڭىزعا تيەدى. وندا تولەنگەن اقى مولشەرى, بيلەتتىڭ ءنومىرى جانە قانداي كولىكتە ەكەنى جازىلىپ تۇرادى. ۋاقىتى مەن كۇنىنە دەيىن بەلگىلەنەدى. پايدالانۋ مەحانيزمى قاراپايىم», دەيدى “قازاقستان حالىق بانكى” اق سقوف ترانزاكتسيالىق بيزنەس ورتالىعىنىڭ باس مەنەدجەرى ولجاس جاقىپوۆ.
قازىر باس شاhاردا 4 «ا» باعىتىندا 12 اۆتوبۋس قاتىنايدى . الداعى ۋاقىتتا مۇنداي جاڭاشىلدىقتار 14, 4 «ت» جانە 2 ء–شى باعىتتاردا جۇرەتىن قوعامدىق كولىكتەرگە دە ەنگىزىلەدى.
«وبلىستىق جولاۋشىلاردى تاسىمالداۋ وداعى» قاۋىمداستىعىنىڭ ءتورايىمى گالينا سەمەنوۆانىڭ ايتۋىنشا, قالا ىشىندە 270 قوعامدىق كولىك قاتىنايدى. ونىڭ 4-ۋىندە مۇمكىندىگى شەكتەۋلى جاندارعا ارنالعان جەڭىلدىكتەر قاراستىرىلعان. ەندى, ەلەكتروندى بيلەت جۇيەسى كەزەڭ-كەزەڭ بويىنشا كەڭىنەن تاراتىلماق.
سولتۇستىك قازاقستان وبلىسى