قاراعاندى وبلىستىق تابيعاتتى قورعاۋ پوليتسياسىنىڭ قىزمەتكەرلەرى زاڭسىز كيىك اۋلاۋدى انىقتاۋ جانە ونىڭ جولىن كەسۋ بويىنشا جۇرگىزىلگەن ءىس-شارالار بارىسىندا ساتباەۆ قالاسىنىڭ اۋماعىنداعى «جەزقازعان-ەسىل-پەتروپاۆل» تاس جولىندا «تايوتا-سيۋرف» ماركالى اۆتوكولىكتى توقتاتىپ, تەكسەرۋ جۇرگىزگەن.
تەكسەرۋ ناتيجەسىندە اتالعان اۆتوكولىكتىڭ جۇك سالعىشىنان ەكى تسەللوفان پاكەتكە سالىنعان ەت تاركىلەندى. كولىك جۇرگىزۋشىسى – قاراعاندى قالاسىنىڭ 47 جاسار تۇرعىنى تابىلعان ەتتىڭ كيىك ەتى ەكەنىن جانە ونى بەلگىسىز ازاماتتان ساتىپ العاندىعى تۋرالى تۇسىنىكتەمە بەردى.
اتالعان فاكت قازاقستان رەسپۋبليكاسى قىلمىستىق كودەكسىنىڭ 339-بابى بويىنشا تىركەلدى (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ).
قازىرگى ۋاقىتتا ءتيىستى ساراپتامالار تاعايىندالىپ, تەرگەۋ امالدارى جۇرگىزىلۋدە.
قاراعاندى وبلىسى