نۇر-سۇلتان قالاسى مادەنيەنت جانە سپورت باسقارماسىنىڭ باسشىسى بولات ماجاعۇلوۆ قر پرەزيدەنتى اكىمشىلىگى ىشكى ساياسات ءبولىمى مەڭگەرۋشىسىنىڭ ورىنباسارى قىزمەتىنە تاعايىندالدى. بۇل تۋرالى قازاقپارات ءتىلشىسى حابارلادى.
«نۇر-سۇلتان قالاسى مادەنيەت جانە سپورت باسقارماسىنىڭ باسشىسى بولات باۋىرجان ۇلى ماجاعۇلوۆ قازاقستان رەسپۋبليكاسى پرەزيدەنتى اكىمشىلىگى ىشكى ساياسات ءبولىمى مەڭگەرۋشىسىنىڭ ورىنباسارى قىزمەتىنە تاعايىندالدى. 2010 جىلدىڭ قاراشا ايىنان باستاپ ەلوردانىڭ مادەنيەت باسقارماسىنا باسشى بولدى», - دەپ جازىلعان ەلوردالىق جاستار تەاترىنىڭ Facebook-تەگى پاراقشاسىندا.
ءوز كەزەگىندە قالالىق مادەنيەنت جانە سپورت باسقارماسىنىڭ ءباسپاسوز قىزمەتى اتالعان اقپاراتتى راستادى.