ەسكەرتكىشتىڭ اشىلۋ سالتاناتىنا وبلىس اكىمى قۋانىشبەك ىسقاقوۆ پەن قر قورعانىس ءمينيسترى نۇرلان ەرمەكباەۆ جانە جاۋىنگەرلەردىڭ دوستارى مەن اعايىندارى قاتىستى.
"بەيبىت زاماندا 13 ساربازدىڭ قازا بولۋى – بارلىعىمىز ءۇشىن اۋىر قايعى. سوندىقتان, قازا تاپقان ازاماتتاردىڭ وتباسىنا قايعىرىپ كوڭىل ايتامىز. ولاردىڭ ەسىمدەرىن حالىق جادىندا ماڭگى ساقتاۋى ءۇشىن قازا تاپقانداردىڭ قۇرمەتىنە ەسكەرتكىش ورناتىپ وتىرمىز", - دەدى وبلىس اكىمى.
«بۇل ساربازداردىڭ عۇمىرلارى قىسقا بولسا دا, وزدەرىنىڭ پارىزدارىنا ادال بولىپ, ماعىنالى ءومىر ءسۇردى. ءبىز ولارمەن ماقتانامىز جانە ولاردىڭ اتا-انالارىنا وسىنداي ۇلداردى وسىرگەنى ءۇشىن العىس ايتامىز. قازا بولعان قىزمەتكەرلەردىڭ وتباسىلارىنا الداعى ۋاقىتتا دا جان-جاقتى كومەك كورسەتىلەدى. ارينە, بۇل ولاردىڭ قايعىسىن جەڭىلدەتپەيدى, بىراق ءبىز قولدان كەلگەن كومەگىمىزدى ايامايمىز»,- دەدى قر قورعانىس ءمينيسترى نۇرلان ەرمەكباەۆ.
ەسكەرتكىشتىڭ اشىلۋى راسىمىنەن كەيىن قۇربان بولعانداردىڭ رۋحىنا باعىشتالىپ اس بەرىلدى.
قىزىلوردا وبلىسى