• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ەكونوميكا 30 شىلدە, 2019

جاڭا جەل ەلەكتر ستانساسى سالىنادى

602 رەت
كورسەتىلدى

«سامۇرىق-ەنەرگو» اق قازاقستاننىڭ ەنەر­گياعا تاپشى وڭتۇستىك وڭىرىندە جاڭعىر­مالى ەنەرگيا كوزىنىڭ نىسانىن سالۋدا. جوبانى «سامۇرىق-ەنەرگونىڭ» ەنشىلەس كومپانياسى – «ەنەرگيا سەميرەچيا» جشس ىسكە اسىرىپ جاتىر. كەلەشەكتە 300 مۆت-عا دەيىن كەڭەيتىلەتىن, قۋاتى 60 مۆت جەل ەلەكتر ستانساسى الماتى وبلىسىنىڭ شەلەك اۋىلىندا ورنالاسقان.

بۇل ءوڭىر ەنەرگياعا تاپشى. الماتى جەو-لارى, قاپشاعاي جانە الماتى سەس كاسكاد­تارى, ەسىك سەس-ءى, مويناق سەس-ءى, قارا­تال سەس-ءى وڭىردەگى ەلەكتر ەنەر­گيا­س­ىنىڭ نەگىزگى كوزدەرى سانالادى.

بۇگىنگى تاڭدا ءوزىنىڭ قۋات ءون­دىرۋ كوزدەرى بولماعاندىقتان, الماتى وبلىسىنىڭ ەلەكتر ەنەر­گياسىنا دەگەن قاجەتتىلىگىن جەر­گىلىكتى قۋات كوزدەرى 50%-عا عانا قانا­عاتتاندىرادى.

«شەلەك دالىزىندە جەل ەلەكتر ستانساسىن سالۋ ارقىلى پارنيك گازدارىن (سو2) شىعارۋ جىلىنا 206 مىڭ تونناعا ازايادى, سونداي-اق جىلىنا 89 مىڭ توننا شارتتى وتىن اۋىستىرىلادى. ونىڭ ۇستىنە, جەل ەلەكتر ستانساسى قورشاعان ورتاعا اسەر ەتپەي وتىرىپ, ەلەكتر ەنەرگياسىنىڭ قورىن تولىقتىرۋعا مۇمكىندىك بەرەدى», دەدى «سامۇرىق-ەنەرگو» اق جوبالاۋ كەڭسەسىنىڭ باسشىسى ەرنۇر جيەنباەۆ.

نىساننىڭ قۇرىلىسى كەزە­ڭىندە 300 جۇمىس ورنى اشىلىپ, ستانسا ىسكە قوسىلعاننان كەيىن تۇراقتى نەگىزدەگى 14 جۇمىس ورنى پايدا بولادى. جەس جىلىنا 225 750 مىڭ كۆت ەلەكتر ەنەرگياسىن وندىرەدى دەپ كۇتىلۋدە. جوبانىڭ اياقتالۋ مەرزىمى – 2020 جىل.

اتاپ وتەيىك, ستانسا جيىنتىق قۋاتى 60 مۆت بولاتىن 24 جەل ەنەرگەتيكالىق قوندىرعىدان, قوسالقى ستانسادان جانە ەلەكتر جەلىلەرىنەن تۇرادى. نىسان­نىڭ اگرەگاتتارى جەل ستانساسىن اۆ­تو­ماتتى باسقارۋ جۇيەسىنە نەگىزدەلگەن اپپاراتتىق-باعدار­لامالىق كەشەن ارقىلى رەتتەلەدى. بۇل مودەلدىڭ ارتىقشىلىعى سول, ونى سۋىق كونتينەنتالدى كليمات (–30…+43 س), 10 بالدىق سەيسميكالىق بەلسەندىلىك جانە جەلدىڭ ەكپىنى II كلاسس جاعدايىندا پايدالانۋعا بولادى.

ەستەرىڭىزگە سالا كەتەيىك, «سا­مۇرىق-ەنەرگو» اق بۇعان دە­يىن جەك سالاسىنداعى 2 جوبانى: قاپشاعاي قالاسىنداعى 2 مۆت كۇن ەلەكتر ستانساسىن جانە ەرەيمەنتاۋ قالاسىنداعى 45 مۆت جەل ەلەكتر ستانساسىن ىسكە اسىرعان بولاتىن.

 

سوڭعى جاڭالىقتار