كەلىسسوزدەر ناتيجەسىندە ەقدب-جانە شىمكەنت قالاسىنىڭ اكىمدىگى اراسىندا «جاسىل قالالار» ءىرى حالىقارالىق باعدارلاماسىنا قوسۋ تۋرالى ءوزارا تۇسىنىستىك تۋرالى مەموراندۋمعا قول قويىلدى. وسىلايشا, شىمكەنت قالاسى ەكولوگيالىق تارتىمدىلىعىن ارتتىرۋعا باعىتتالعان جوبالاردى جۇزەگە اسىرۋ ماقساتىندا بەرىلەتىن ەقدب-ءنىڭ قوماقتى قارجىلىق قولداۋىنا يە بولعان قازاقستانداعى ءبىرىنشى جانە الەمدەگى 31-ءشى قالا بولدى. بولاشاق جوبالاردىڭ قۇنى 100 ملن اقش دوللارىن قۇرايدى.
وسى باعدارلاما اياسىندا الدىڭعى قاتارلى ەكولوگيالىق تەحنولوگيالار ەنگىزىلەتىن بولادى. قارجىلىق رەسۋرستارىنان باسقا ەقدب «جاسىل قالا» ءىس-ارەكەت جوسپارىن ازىرلەۋ جانە ىسكە اسىرۋدا قولداۋ كورسەتەتىن بولادى. سونىمەن بىرگە, ينۆەستيتسيالىق باعدارلامالاردى انىقتاۋدا جانە قوسىمشا ينۆەستيتسيالاردى تارتۋدا كومەك كورسەتەتىن بولادى.
كەلىسسوزدەر بارىسىندا تاراپتار ەنەرگيانى ۇنەمدەيتىن لامپالاردى ورناتۋ ارقىلى قالانى جارىقتاندىرۋ جانە تەز دامىپ كەلە جاتقان شىمكەنت قالاسىنىڭ بارلىق تالاپتارىنا جاۋاپ بەرەتىن جاڭا تازارتۋ قوندىرعىلارىن سالۋ بويىنشا جوبالاردى قارجىلاندىرۋ جانە ولاردى ىسكە اسىرۋ ماسەلەلەرىن تالقىلادى.
سونىمەن قاتار, ەقدب باسشىلىعى پيلوتتىق رەجيمدە جۇزەگە اسىرىلاتىن, كەيىننەن وسى تاجىريبە قازاقستاننىڭ باسقا ءىرى قالالارىناتاراتىلۋى جوسپارلانعان جاڭا تازارتۋ قوندىرعىلارىن سالۋ بويىنشا جوبا ءۇشىن الەۋەتتى العاشقى قالا رەتىندە شىمكەنتتى قاراستىرىپ وتىر.
كەزدەسۋ بارىسىندا ع.ءابدىراحىموۆ جىلدىڭ اياعىنا دەيىن ەقدب وكىلدەرىن ەكىجاقتى ىنتىماقتاستىقتىڭ كەڭ اۋقىمدى ماسەلەلەرىن تالقىلاۋدى اياقتاۋ جانە شىمكەنت قالاسىنىڭ ماڭىزدى الەۋەتى بار, ونىڭ ىشىندە ەكونوميكانىڭ قارقىندى دامىپ كەلە جاتقان تۋريزم, جەڭىل جانە ازىق-ت ۇلىك ونەركاسىپتەرى سەكىلدى سالالارىمەن تانىسۋ ءۇشىن شىمكەنت قالاسىنا شاقىردى.
الەمدىك «جاسىل قالالار» جوباسى – ەققدب باعدارلامالارىنىڭ نەگىزگى قۇرالى. جوبا قالالاردىڭ تۇراقتى دامۋىنداعى ستراتەگيالىق ماقساتتارعا قول جەتكىزۋگە كومەكتەسەدى. بۇعان قوسا جوبا اياسىندا ەكولوگيالىق پروبلەمالاردى – اۋانىڭ لاستانۋى, جەردى پايدالانۋ, ورتالىق جىلۋ جۇيەسى, كولىك كەپتەلىستەرى, قالدىقتاردى زالالسىزداندىرۋ, سۋمەن جابدىقتاۋ جانە كارىز جۇيەسى, سۋ رەسۋرستارىن پايدالانۋ ماسەلەلەرىن شەشۋدىڭ ينۆەستيتسيالىق جوبالارى مەن ءىس-شارالارى قاراستىرىلعان.
سونىمەن بىرگە ءىسساپار بارىسىندا شىمكەنت قالاسىنىڭ اكىمى ع. ءابدىراحىموۆ قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا بىرىككەن كورولدىگىندەگى توتەنشە جانە وكىلەتتى ەلشىسى ەرلان ىدىرىسوۆپەن كەزدەستى.
كەزدەسۋ بارىسىندا تاراپتار بريتاندىق ۋنيۆەرسيتەتىنىڭ قاتىسۋىمەن شىمكەنت قالاسىندا جاڭا حالىقارالىق جوعارعى وقۋ ورنىن اشۋ جايىن تالقىلادى. جوسپار اياسىندا وندا IT سالاسى مەن ساۋلەت جانە ديزاين, مەيرامحانا ءىسى جانە قوناق ءۇي بيزنەسى مەنەدجمەنتى, سونداي-اق ەكونوميكاعا قاجەتتى ماماندىقتار بويىنشا ءبىلىم بەرىلەدى.