وقىس وقيعا 18 شىلدە كۇنى ورىن العان ەدى. جولدىڭ قارسى بەتىندە بۋداقتاپ جانىپ جاتقان ءۇيدى كاپيتان ءادىلجان اكىرەەۆتىڭ كوزى شالىپ قالادى. شەشىم قابىلداپ تۇراتىن شاق ەمەس. تۇتىندەپ جاتقان ۇيگە قاراي تۇرا ۇمتىلادى. تاياعاندا, ءۇي ىشىندە كومەككە ءزارۋ انا مەن بالانىڭ قالعانىن اڭعارادى. جاۋدىڭ ءوزىنەن جاسقانۋدى بىلمەيتىن جان لاۋلاعان جالىنعا لاپ قويادى. كورپەگە وراپ, قىرقىنان شىقپاعان قىزىل شاقالاقتى اناسىمەن قوسىپ امان-ەسەن سىرتقا الىپ شىعادى.
الاۋلاعان قىزىل جالىن كورشى ءۇيدىڭ شاتىرىنا دەيىن شارپىپ, ول جاققا دا كومەك قولىن سوزادى. كەيىننەن وتكەن جايتتى ەسىنە العان باتىر جىگىت ەرلىكتىڭ ەشقاشان ەسەپپەن جاسالمايتىنىن, سول ساتتە اللا تاعالانىڭ ءوزى بويىڭا بۇلا كۇش قۇياتىنىن, سونىڭ ارقاسىندا ەش قورقىنىشتى سەزبەگەنىن العا تارتتى.
دارىگەرلەردىڭ ايتۋىنشا, قۇتقارعان جانداردىڭ جاعدايى قازىر قالىپتى كورىنەدى. ال اسكەري قىزمەتكەردىڭ ءوزىن يت قابۋعا قارسى ەكپە سالۋ ءۇشىن ەمحاناعا اكەتىپتى.
بىزگە بەلگىلى بولعانداي, كاپيتان ءادىلجان اكىرەەۆ ءتورت بالا تاربيەلەپ وتىرعان جان. ۇلتتىق ۇلاننىڭ 5572 ءاسكەري بولىمىندە توپ كومانديرىنىڭ ورىنباسارى قىزمەتىن اتقارادى ەكەن. «ەگەمەن-اقپارات»