«سويۋز مس-13» كەمەسى جەكسەنبى كۇنى حالىقارالىق عارىش ستانساسىنىڭ بورتىنا كەلىپ جەتتى. ەكيپاج قاتارىندا روسكوسموس عارىشكەرى الەكساندر سكۆورتسوۆ, سونداي-اق ەندريۋ مورگان (NASA) جانە لۋكا پارميتانو (ەۋروپالىق عارىش اگەنتتىگى) بار. بۇل تۋرالى قازاقپارات حابارلادى.
حعس بورتىندا جاڭا ەكيپاجدى رەسەيلىك الەكسەي وۆچينين, امەريكالىق كريستينا كۋك پەن نيك حەيگ قارسى الدى.
«سويۋز-فگ» زىمىرانتاسىعىشى بايقوڭىردىڭ ءبىرىنشى ستارت الاڭىنان سەنبى كۇنى ۇشىرىلعان بولاتىن. عارىش كەمەسى ستانساعا التى ساعاتتا ۇشىپ جەتتى دە, اۆتوماتتى رەجيمدە ءتۇيىستى.
ايتا كەتەيىك, مكس-60/61 ەكسپەديتسياسى كەزىندە عىلىمي-قولدانبالى زەرتتەۋلەر باعدارلاماسى اياسىندا 50 ەكسپەريمەنت جاسالادى دەپ كۇتىلۋدە. ونىڭ بەسەۋى اۆتوماتتى رەجيمدە, ەكيپاجدىڭ قاتىسۋىنسىز جۇرگىزىلەدى.