مەملەكەت باسشىسى قاسىم-جومارت توقاەۆ مەكتەپ وقۋشىسى ءلايلىم-شىراق ەرلانقىزىنان قابىلداپ, كوپشىلىككە جولداعان حاكىم ابايدىڭ 175 جىلدىعىنا ارنالعان ەستافەتانى قازاقستان حالقى اسسامبلەياسى قىزۋ جالعاستىرۋدا.
بۇگىنگى تاڭدا چەللەندجدى قولداپ, قازاق تىلىندە اقىن ولەڭدەرىن وقىعان ەتنوس وكىلدەرىنىڭ سانى جۇزدەن استى.
قازاقستان حالقى اسسامبلەياسىنىڭ توراعاسىنىڭ ورىنباسارى جانسەيىت قانسەيىت ۇلى تۇيمەباەۆ ەتنو-مادەني بىرلەستىكتەردى ارى قاراي ىنتالاندىرۋ ماقساتىندا ۇلى ويشىلدىڭ 37-ءشى قاراسوزىن وقىپ, #Abai175 ەستافەتاسىن جالعاستىردى.